Созишномаҳои нави ҳамкорӣ ба имзо расиданд

Дар қисмати дуюми ҷаласаи Мушовараи якҷояи Вазоратҳои корҳои дохилии Ҷумҳурии Тоҷикистон ва Федаратсияи Россия аз ҷониби Вазири корҳои дохилии Ҷумҳурии Тоҷикистон генерал-полковиники милитсия Раҳимзода Рамазон Ҳамро ва Вазири корҳои дохилии Федератсияи Россия генерали политсия Колоколтсев Владимир Александрович Созишномаҳои нави ҳамкорӣ ба имзо расиданд.
Масъалаҳои ҳамкории мақомотҳои корҳои дохилии ҳарду кишвар, дар самти мубориза бар зидди ҷинояткории трансмиллӣ, терроризму экстремизм, пешгирӣ аз қочоқи маводи мухаддир, тақвият бахшидани ҳамкориҳо дар самти фаъолияти оперативӣ-ҷустуҷӯӣ, криминалистика, бақайдгирии ҷиноятҳои шаҳрвандони ҳарду кишвар дар минтақаҳои маъмурии Тоҷикистону Россия, дастгиркунии ҷинояткорони ҷустуҷӯшаванда, киберҷиноятҳо бо истифода аз антитехнологияҳои муосир, азонихудкунӣ ва тасарруфи маблағҳои электронӣ, мубодилаи иттилооти оперативӣ ва дигар самтҳои соҳаи низму тартибот, ҳифзи ҳуқуқу озодии шаҳрвандон ва моликияти онҳо дар санади ҳуқуқӣ барои тақвият бахшидани ҳамкории мақомотҳои корҳои дохилии ҳарду кишвар ба имзо расонида шуд, ки марҳила ба марҳила дар амал бояд тадбиқ шавад.
Сардорони Раёсатҳои оперативӣ, тафтишоту таҳқиқ, хадамотҳои криминалистӣ, алоқа ва дигар шахсони масъул аз ҷониби Вазирони корҳои дохилии Тоҷикистону Россия вазифадор шуданд, ки барои тадбиқи барномаҳои қабулгардида сайъ намоянд.