Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Боздиди Вазири корҳои дохилӣ аз корхонаи дузандагӣ

110

18-уми майи соли 2023, Вазири корҳои дохилӣ генерал-полковники милитсия Раҳимзода Рамазон Ҳамро ба корхонаи дӯзандагии Вазорати корҳои дохилӣ ташриф оварда, аз рафти фаъолияти корхона, ки омода сохтани сару либоси низомӣ дар он ба роҳ монда шудааст, шинос гардид.
Дар рафти шиносоӣ Вазири корҳои дохилӣ қайд намуд, ки фаъолияти ин корхона асосан ҷиҳати таъминоти ҷузъу томҳои ВКД ва дигар мақомоти ҳифзи ҳуқуқ бо сару либоси низомӣ ва бо шуғли доимӣ таъмин намудани сокинон, хусусан бонувони маҳаллӣ иборат мебошад.
Дар корхонаи истеҳсолии либоси низомӣ шароити зарурӣ фароҳам оварда шуда, дорои дастгоҳу таҷҳизоти муосир мебошад.
Мавриди зикр аст, ки корхонаи мазкур соли 2019 бо иштироки бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мавриди баҳрабардорӣ қарор гирифтааст.
Айни замон дар корхона 102 нафар бонувон ба кори доимӣ ва маоши хуб таъмин гардидаанд. Илова бар ин, кормандон ҳамарӯза бо хӯроки нисфирӯзии ройгон таъмин карда шудаанд.
Вазири корҳои дохилӣ барои боз ҳам хубтару беҳтар ба роҳ мондани дӯхти сару либоси низомӣ ба масъулин дастуру супоришҳои зарурӣ дод.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика