Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Оғози корҳои созандагию бунёдкорӣ дар вилояти Суғд

72

24-уми марти соли 2023 дар рӯзҳои таҷлил аз ҷашни байналмилалии Наврӯз бо иштироки Вазири корҳои дохилӣ генерал-полковники милитсия Раҳимзода Рамазон Ҳамро ва Раиси вилояти Суғд Раҷаббой Аҳмадзода ба корҳои сохтмонии бинои иловагии таълимӣ дар Факултети №4 Академияи ВКД оғоз бахшида шуд.
Бинои иншоот дар масоҳати умумии 4 300 м2 аз таҳхона ва шаш ошёна иборат ва дар он тамоми инфрасохтори зарӯрӣ ба нақша гирифта шудааст.73
Аз ҷумла, бинои таълимӣ аз 17 синфхонаи фанниву таълимӣ, толори маҷлисӣ бо 500 ҷойи нишаст, ҳуҷраҳои кории муаллимон, ошхона бо ғунҷоиши 220 нафар дар як вақт ва хобгоҳ барои 200 нафар иборат хоҳад буд. Ҳамчунин дар саҳни бино, бунёди майдони сафороӣ, майдончаи варзишӣ, ҳавзи шиноварӣ, нуқтаи гармидиҳӣ, амборхона ва дигар иншооти ёрирасон ба нақша гирифта шудааст.
Зимни суханронӣ Вазири корҳои дохилӣ ва Раиси вилояти Суғд таъкид карданд, ки ҳамасола аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба фаъолияти мақомоти корҳои дохилӣ таваҷҷуҳи хоса зоҳир гардида, шароити корӣ беҳтар шуда истодааст.
Ҳамзамон бо иштироки Вазири корҳои дохилӣ генерал-полковники милитсия Раҳимзода Р.Ҳ. ва Раиси вилояти Суғд Раҷаббой А. ба бунёди бинои Шуъбаи тиббии Раёсати ВКД дар вилояти Суғд санги асос гузошта шуд. Иншооти мазкур бо қисмати таҳхона ва баландии панҷ ошёна қомат хоҳад афрохт.
74Тибқи лоиҳа дар иншооти мазкур ҳуҷраҳои муоина, ташхису табобат ва утоқҳои корӣ дорои тамоми шароити замонавӣ ташкил хоҳад шуд, ки метавонад дар баробари ҳифз ва барқарор намудани саломатии кормандон, ҳамчунин ба аҳолӣ хизматрасонӣ намояд.
Дар хотима, Вазири корҳои дохилӣ ба ҳайати шахсӣ барои софдилона ва содиқона иҷро намудани рисолати касбӣ як қатор дастуру супоришҳо дод.
Ҳамчунин аз ҷониби Раҷаббой Аҳмадзода ба кормандони шуъбачаи бозрасии давлатии автомобилии ШВКД дар шаҳри Хуҷанд, 1-адад нақлиёти хизматӣ тақдим гардид, то ин ки дар самти таъмини бехатарии ҳаракат дар роҳ истифода шуда сифати хизматрасонӣ беҳтар карда шавад.
Акбар Шарифӣ, майори милитсия




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

Qonun4

© 2023 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика