7-уми марти соли 2023 дар толори Вазорати корҳои дохилӣ бахшида ба Рӯзи Модар ҷаласаи тантанавӣ доир гардид.
Дар чорабинии идона Вазири корҳои дохилӣ генерал-полковники милитсия Раҳимзода Рамазон Ҳамро, кормандзанони Дастгоҳи марказӣ ва ҷузъу томҳои он, бонувони собиқадори мақомоти корҳои дохилӣ, инчунин сардорони раёсатҳои ВКД иштирок намуданд.
Нахуст, Вазири корҳои дохилӣ ҳамаи кормандзанони милитсияро бо Рӯзи модар табрику таҳният гуфта, барояшон cаодату хушбахтӣ, иқболи нек ва рӯзгори ободу осуда таманно намуд.
Мавсуф қайд кард, ки дар тамоми ҷаҳон 8 мартро ҳамчун Рӯзи байналхалқии занон ҷашн мегирифтанд. Ба шарофати иқдому ташаббусҳои Пешвои миллат муҳтарам Эмомалӣ Раҳмон, бо нишони қадршиносӣ аз ранҷу заҳмати занон, он ҳамчун Рӯзи Модар дар Тоҷикистон ҷашн гирифта мешавад.
Бо дастгирию ғамхорӣ ва иқдому ташаббусҳои созандаи Президенти Ҷумҳурии Тоҷикистон муҳтарам Эмомалӣ Раҳмон мавқеи занон дар ҷомеаи Тоҷикистони соҳибистиқлол сол то сол боло рафта, ҳамчун як узви фаъол ва пешбарандаи рӯзгор барои пешрафти зиндагии оилавӣ, ҳаёти сиёсиву иҷтимоӣ нақши назаррас мегузоранд.
Ҳамасола бо дастгирию ғамхории Президенти кишвар муҳтарам Эмомалӣ Раҳмон ва роҳбарияти ВКД дар арафаи иду ҷашнҳо кормандзанони милитсия барои хизмати софдилона, зоҳир намудани малакаи баланди касбӣ ва садоқат ба давлату миллат бо ордену медалҳо ва туҳфаю мукофотҳои пулию молӣ қадршиносӣ карда мешаванд.
Дар 10 соли охир наздик ба 7 ҳазор нафар кормандзанон бо медалу нишонҳои сарисинагӣ, мукофоту туҳфаҳои хотиравӣ ва пулӣ ҳавасманд карда шудаанд.
Дар идомаи чорабинӣ як қатор кормандзанон аз Дастгоҳи марказӣ ва ҷузъу томҳои он, курсантони Академияи ВКД ва Коллеҷи милитсия дар васфи зан-модар шеърҳо қироат карданд, ки аз ҷониби Вазири корҳои дохилӣ хуш пазируфта шуда, бо туҳфаҳои идона қадрдонӣ гардиданд.
Дар ҷараёни чорабинии идона бо Фармони Вазири корҳои дохилии Ҷумҳурии Тоҷикистон як қатор кормандзанони милитсия барои ноил гардидан ба натиҷаҳои назаррас дар фаъолияти хизматӣ ва бахшида ба Рӯзи модар бо рутбаҳои навбатӣ, медалу нишонҳои сарисинагӣ ва Ифтихорномаю Сипосномаҳо мукофотонида шуданд.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
