Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Парчами миллӣ ҳаме номусу нанги миллат аст...

4O6A0281

24-уми ноябри соли 2022 дар толори асосии Вазорати корҳои дохилӣ ҷаласаи тантанавӣ бахшида ба «Рӯзи Парчами давлатии Ҷумҳурии Тоҷикистон» бо иштироки муовини Вазири корҳои дохилӣ полковники милитсия Муборакқадамзода Абдураҳмон Назархон, сардори Академияи ВКД генерал-майори милитсия Шарифзода Файзалӣ Раҳмоналӣ, намояндаи Маҷлиси намояндагони Маҷлиси Олии Ҷумҳурии Тоҷикистон, доктори илмҳои ҳуқуқшиносӣ, дотсент, полковники мустаъфӣ Раҷабзода Равшан Муҳитдин, дигар шахсони расмӣ ва ҳайати шахсии мақомоти корҳои дохилӣ баргузор гардид.

4O6A0308

Нахуст, муовини Вазири корҳои дохилӣ полковники милитсия Муборакқадамзода А.Н. тамоми ҳайати шахсии мақомоти корҳои дохилиро аз номи роҳбарияти вазорат бахшида ба ин санаи фархунда, Рӯзи Парчами миллӣ табрику муборакбод намуда, ба онҳо барору комёбиҳо таманно намуд.

Зикр гардид, ки Парчами давлатӣ воқеан аз ибтидои ҳастӣ муаррификунандаи дилхоҳ давлату миллат дар арсаи ҷаҳон буда, барои доим партавафшон будани он дар тӯли таърих миллатҳои рӯйи олам ҷонбозиҳои зиёде намудаанд.

4O6A0291

Имрӯз Ҷумҳурии Тоҷикистон низ дар қатори дигар давлатҳо ҳамчун аъзои комиҳуқуқи Созмони Милали Муттаҳид дорои парчами миллии худ буда, он дирӯзи моро ба имрӯз мепайвандад ва миллати фарҳангсолору тамаддунофари тоҷик ба он арҷу эҳтиром мегузорад. Зеро ҳифзи парчам ва эҳтиром гузоштан ба он нишони ҳувияти миллӣ ва ватандӯстӣ буда, шаҳрвандони Тоҷикистон низ аз ибтидои қабули Парчами давлатӣ ҳамеша онро муқаддас дониста, болафшон будани онро нишони зиндагии шоистаи хеш медонанд.

4O6A0186

Дар ҷараёни ҷаласа, сардори Академияи ВКД генерал-майори милитсия Шарифзода Файзалӣ Раҳмоналӣ ва намояндаи Маҷлиси намояндагони Маҷлиси Олии Ҷумҳурии Тоҷикистон Раҷабзода Равшан Муҳитдин баромад намуда, доир ба моҳияту мазмуни сиёсӣ ва аҳамияти таърихиву муқаддас будани Парчами давлатӣ ибрози андеша намуданд.
Қайд гардид, ки дар ин маврид Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барҳақ таъкид намудаанд, ки «Эҳтиром ва арҷ гузоштан ба муқаддасоти миллӣ, аз ҷумла нисбати Парчам, арҷ гузоштан ба тамоми арзишҳои дирӯзу имрӯз ва фардои миллат аст».
Дар рафти ҷаласа иштирокчиён қомат афрохтани Парчами давлатиро дар маркази вилоятҳо, шаҳру ноҳияҳо ва хонадони сокинони мамлакат шаҳодати таҳким ёфтани ҳувияти миллӣ, арҷгузорӣ ба рамзҳову арзишҳои миллӣ ва ойину суннатҳои давлатдорӣ арзёбӣ намуданд.
Гул Маҳбуба, полковники милитсия

 




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

241122

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика