Дар остонаи Иди касбии кормандони милитсия Вазири корҳои дохилӣ генерал-полковники милитсия Раҳимзода Рамазон Ҳамро ба Академияи ВКД ташриф оварда, аз вазъи таълиму тарбия дар ин боргоҳи таълимӣ аз наздик шинос шуда, дар назди ҳайати профессорону омӯзгорон ва курсантон суханронӣ намуд.
Вазири корҳои дохилӣ ҳайати шахсии Академияро ба муносибати Рӯзи милитсия самимона табрику таҳният намуда, ба онҳо комёбиҳои нав ба нав таманно кард.
Зимни суханронӣ Вазири корҳои дохилӣ иброз дошт, ки бо талошҳои шабонарӯзии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вазъи иқтисодӣ-иҷтимоии кишвари маҳбубамон беҳтар гашта, барои насли ҷавони мақомоти корҳои дохилӣ тамоми шароитҳои зарурӣ муҳайё гардидаанд.
Мавсуф аз саҳми кормандони мақомоти корҳои дохилӣ дар таъмини қонуният, тартиботи ҷамъиятӣ ва мубориза алайҳи шаклҳои гуногуни ҷинояткорӣ ёдовар шуда, аз кормандон ҳушёрию зиракиро талаб намуд.
Дар хотима ба ғолибони Озмуни ҷумҳуриявии фанни «Фаъолияти оперативӣ-ҷустуҷӯӣ» туҳфаҳои арзишнок тақдим карда шуд.
Ҳамчунин, бо иштироки Вазири корҳои дохилӣ Осорхонаи Академияи Вазорати корҳои дохилӣ ифтитоҳ гардид.
Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>
