Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрии сардорони Шуъбаҳои милитсия бо курсантон

Дар вохӯрии курсантони Академияи ВКД бо сардорони як қатор Шуъбаҳои Вазорати корҳои дохилӣ дар шаҳру ноҳияҳои ҷумҳурӣ, ки рӯзи 13-уми феврал дар толори ин муассисаи олии таълимӣ баргузор гардид, оид ба кори амалӣ дар мақомоти корҳои дохилӣ изҳори назар карда шуд.
Тавре сардори Академияи ВКД, генерал-майори милитсия Шарифзода Файзалӣ Раҳмоналӣ дар оғози ин ҷамъомад иброз намуд, иқдоми мазкур ба муносибати «Соли ҷавонон» эълон гардидани соли 2017 ва дар асоси Нақша-чорабиниҳои ин муассисаи олии тахассусӣ ҷиҳати такмили донишҳои курсантону бо кори амалӣ шинос намудани онҳо андешида шудааст.


- Ҳафтаи гузашта дар ВКД вохӯрии Вазири корҳои дохилӣ, генерал-лейтенанти милитсия Раҳимзода Рамазон Ҳамро бо ҷавонони дорои касбу кори гуногун, аз ҷумла курсантони Академия доир гардид, ки хеле озоду самимӣ сурат гирифт. Вохӯрии имрӯзаи мо низ идомаи мантиқии ин силсиламулоқотҳои роҳбарияти ВКД мебошад, ки ба масъалаи баланд бардоштани савияи донишу ҷаҳонбинӣ ва масъулиятшиносии ҷавонон, хусусан курсантон нигаронида шудааст, - илова намуд Шарифзода Ф.Р.
Дар идомаи вохӯрии курсантон бо сардорони ШВКД дар шаҳру ноҳияҳои гуногун чанде аз онҳо баромад намуда, оид ба нозукиҳои кор дар мақомоти корҳои дохилӣ, талаботи хизмат дар ин мақомоти бонуфуз, ҷиҳатҳои равонӣ, забондонию ҷаҳонбинии кормандони ҷавон ва таҷрибаомӯзии курсантон дар шуъбаҳои милитсия ибрози назар намуданд.
Дар чорабинии мазкур, ҳамчунин оид ба масъалаҳои доғи рӯз - терроризму экстремизм ва фаъолияти равияву ҷараёнҳои тундрави хатарнок низ андешаронӣ сурат гирифта, курсантон бо фаъолнокиву суолу пурсишҳояшон вохӯриро хеле шавқовар карданд. Ба саволҳои курсантон, ки ба паҳлӯҳои гуногуни фаъолият дар мақомоти корҳои дохилӣ дахл доштанд, сардорони шуъбаҳои милитсияи шаҳру ноҳияҳои Бӯстон, Турсунзода, Абдураҳмони Ҷомӣ, Шаҳритуз ва Ванҷу Ҷайҳун посухҳои мушаххас дода, аз ҷавонон даъват ба амал оварданд, ки дар ҷавоб ба чунин ғамхориҳои роҳбарияти Ҳукумати кишвар ва ВКД, ки барои илму донишомӯзии насли имрӯза тамоми шароитҳоро муҳайё намудаанд, дар роҳи баланд бардоштани малакаи саводнокӣ ва забондониву ҷаҳонбинии худ саъю кӯшиш ба харҷ диҳанд.
Зимни суханрониҳо масъулини шуъбаҳои милитсия аз ин ташаббуси роҳбарияти Академияи ВКД, ки барои дар оянда ҳамчун кормандони масъулиятшиносу донандаи пешаи интихобнамудаи худ ба камол расонидани курсантон заминаи воқеӣ мегузорад, истиқбол намуданд.
Умед ОЧИЛОВ 


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun24

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика