Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Баррасии масоили ҳуқуқвайронкунӣ байни ҷавонону ноболиғон

Дар анҷоми ҷаласаи ҷамъбастии фаъолияти мақомоти корҳои дохилӣ дар давоми соли сипаригардидаи 2016 муовини аввали Вазири корҳои дохилӣ генерал-майори милитсия Аламшозода Абдураҳмон Аламшо маърӯза намуда, доир ба фаъолияти оперативӣ-хизматии мақомоти корҳои дохилӣ маълумоти муфассал дод.
Зикр гардид, ки дар соли сипаригардидаи 2016 кормандони милитсия бо мақсади тақвият бахшидани ҳамкорӣ бо ҷомеа дар якҷоягӣ бо дружиначиёни ихтиёрӣ, кормандони ғайриштатии милитсия ва гурӯҳи ҷавонони «Пешоҳанг» дар миқёси ҷумҳурӣ як қатор чорабиниҳои фарҳангӣ, маданӣ ва варзишӣ доир намуда, бо мардум сӯҳбату вохӯриҳо доир намуданд.
Зимни ин чорабиниҳо ҷиҳати пешгирии шомилшавии шаҳрвандон ба ҳизбу ҳаракатҳои ғайриқонунӣ, экстремистию террористӣ, баланд бардоштани ҳисси ватандӯстию ватанпарастӣ ва арзишҳои миллӣ дар шаҳру ноҳияҳои мамлакат корҳои фаҳмондадиҳӣ роҳандозӣ гардиданд.
Новобаста аз тадбирҳои андешидашуда, вазъи ҷинояткорӣ ва ҳуқуқвайронкунӣ дар байни ҷавонону наврасон ташвишовар боқӣ мондааст.
Бинобар ин, тарзу усули фаъолияти Хадамоти пешгирии ҳуқуқвайронкунӣ дар байни ноболиғону ҷавононро ба шакли нав ба роҳ мондан лозим аст.


Муовини аввали Вазири корҳои дохилӣ генерал-майори милитсия Аламшозода Абдураҳмон Аламшо зимни баромади хеш ҷиҳати боз ҳам беҳтар намудани фаъолияти хизматӣ дар самти пешгирии ҳуқуқвайронкунӣ дар байни ноболиғону ҷавонон як қатор таклифҳои судманд пешниҳод намуд.


Ҳамин тариқ, сардори Хадамоти пешгирии ҳуқуқвайронкунӣ дар байни ноболиғону ҷавонони ВКД полковники милитсия Зарифзода Маҳмадзоир баромад намуда, зикр кард, ки камбудию норасогиҳое, ки муовини аввали Вазири корҳои дохилӣ генерал-майори милитсия Аламшозода Абдураҳмон Аламшо дар баромади худ қайд карданд, дар ҳақиқат ҷой доранд ва Хадамоти мазкур тамоми чораҳо ва имкониятҳоро баҳри бартараф кардани мушкилоту проблемаҳои ҷойдошта равона хоҳад кард.


Вазири корҳои дохилӣ генерал-лейтенанти милитсия Раҳимзода Рамазон Ҳамро ба масъулони Хадамоти пешгирии ҳуқуқвайронкунӣ дар байни ноболиғону ҷавонони Вазорати корҳои дохилӣ ва ҷузъу томҳои он ҷиҳати таҳия намудани Нақша-чорабиниҳои фарҳангӣ, маданӣ ва варзишӣ дар тамоми ҷумҳурӣ бахшида ба «Соли ҷавонон» эълон гардидани соли 2017, ҳамкорӣ бо кумитаю идораҳои дахлдор, пешгирии ҷинояту ҷинояткорӣ, нашъамандӣ ва дигар зуҳуроти номатлуб дар байни ҷавонону наврасон ва мактаббачагон як қатор дастуру супоришҳои қатъӣ дода, зикр кард, ки дар ин самт тадбирҳои иловагӣ ва бетаъхир андешанд.
Ҳамчунин доир ба иҷро ва риояи Қонунҳои Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо дар Ҷумҳурии Тоҷикистон», пешгирии ғайриқонунии истифодаи қувваи барқ, хариду фурӯши ғайриқонунии замин, қочоқи сангҳои қимматбаҳо, гардиши ғайриқонунии маводи мухаддир, силоҳ ва дигар ҷиноятҳои вазнин ва махсусан вазнин таъкид дошт.
Дар хотимаи ҷаласаи ҷамъбастӣ Вазири корҳои дохилӣ генерал-лейтенанти милитсия Раҳимзода Рамазон Ҳамро ба масъулини соҳа ҷиҳати тақвият бахшидани мубориза бар зидди ҷинояткорӣ, ҳифзи тартиботи ҷамъиятӣ, ҳуқуқу озодиҳои шаҳрвандон, волоияти қонун ва хатару таҳдидҳои замони муосир як қатор дастуру супоришҳои мушаххас дод.
Бо ҳамин ҷаласаи ҷамъбастии фаъолияти мақомоти корҳои дохилӣ дар давоми соли сипаригардидаи 2016 ва вазифаҳо барои соли 2017 анҷом пазируфт.
Гул Маҳбуба. 


You have no rights to post comments



Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика