Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Таассурот аз намоишномаи театрӣ

1249

Кормандони мақомоти корҳои дохилӣ дар баробари пешбурди самти фаъолият, ҳамзамон баҳри ғанӣ гардонидани донишу ҷаҳонбиниашон, бештар огоҳӣ пайдо намудан аз фарҳангу маданият ва урфу одати дигар халқиятҳо пайваста ба мутолиаи китоб пардохта, аз намоишномаҳои театрӣ дидан менамоянд.
Бо ташаббус ва ибтикори роҳбарияти ВКД, бахусус Вазири корҳои дохилӣ генерал-полковники милитсия Раҳимзода Рамазон Ҳамро ҳайати шахсии ВКД ва ҷузъу томҳои он ҳамеша дар ҳама гуна чорабиниҳои илмиву фарҳангӣ, варзишиву бадеӣ иштирок намуда, донишу ҷаҳонбинии худро ғанӣ мегардонанд.
Дар ин асно, ҳафтаи сипаригардида роҳбарият ва ҳайати шахсии Вазорати корҳои дохилӣ ва воҳидҳои поёнии он, аз намоишномаи театрии мазҳакавии «Пизишки паррон», ки аз рӯйи асари драманависи фаронсавӣ Жан Батист Молйер гирифта шуда, дар таҳияи Ҳунарпешаи халқии Тоҷикистон Қурбон Собир ва саррежисёри театр Ҳунарпешаи халқии Тоҷикистон Ибодулло Машрабов дар Муассисаи давлатии «Театри давлатии академии драмавии ба номи А. Лоҳутӣ» намоиш дода шуд, дидан намуданд.

12501251

Ҳунармандони театри мазкур нақшҳоро дар сатҳи баланд иҷро намуда, ба бинанда маданияту фарҳанги дигар халқиятро тасвир намуданд.
Кормандони мақомоти корҳои дохилӣ аз иштирок дар ин намоишнома ва бардошти худ аз он ба роҳбарияти ВКД ва ҳунарпешагон арзи сипос намуда, изҳор доштанд, ки мо тоҷикон халқи бофарҳангу бомаданият ҳастем ва хуб мешуд, ки бо мутолиаи китобу иштирок дар чунин намоишномаҳо аз фарҳангу маданияти дигар халқҳо низ огоҳӣ пайдо намоем.

Р. ИЛЁСОВ




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

30.06

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика