Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Зиндагӣ дар садафи хеш гуҳар сохтан аст!

799

28 феврали соли 2021 Ҳунарманди халқии Ҷумҳурии Тоҷикистон, собиқадори мақомоти корҳои дохилӣ, собиқ роҳбари ансамбли «Сипар»-и ВКД полковники мустаъфии милитсия Умар Зиёев ба синни мубораки 70 расид. Ба ин муносибат, ин марди хирадро раиси Созмони собиқадорони ВКД генерал-майори мустаъфии милитсия Ҷурахонзода Саид Қаюм аз номи Вазири корҳои дохилӣ ва аъзои ин созмон муборакбод намуд.

Номбурда аз фаъолияти пурсамар ва хизматҳои арзандаи ӯ дар баланд бардоштани ҳисси ватандӯстии кормандони милитсия ёдовар шуда, афзуд, ки дар давраи фаъолияти ӯ ансамбли “Сипар” бо барномаҳои фарҳангию рангину ҷолибаш дар баробари кормандони милитсия, инчунин ҳаводорону мухлисони зиёдеро аз ҳисоби намояндагони касбу кори гуногун пайдо кард. Сарояндагону навозандагони ин ансамбл дар ҳама гуна чорабиниҳои cиёсию фарҳангии ВКД иштирок намуда, бо ҳунару истеъдоди худ ба ҳайати шахсӣ ғизои маънавӣ ва рӯҳу илҳоми тоза мебахшанд.
Бояд зикр кард, ки Умар Зиёев аз соли 2000, аз рӯзи таъсисёбии ансамбли «Сипар» то соли 2014 дар вазифаи роҳбари он фаъолият намуда, дар ин давра ба гирифтани чандин нишону Ифтихорномаҳои ВКД шарафёб гардид.
Бо ташаббуси собиқ Вазири вақти корҳои дохилӣ генерал-полковники милитсия Ҳ.Шарифов моҳи октябри соли 2000 ансамбли «Сипар» таъсис ёфта, нахустин консерти худро 6 феврали соли 2001 - дар Рӯзи милитсия доир намуд, - мегӯяд собиқ роҳбари ансамбли “Сипар”.
Соҳибҷашн миннатдории самимии худро ба Вазири корҳои дохилӣ генерал-полковники милитсия Раҳимзода Рамазон Ҳамро ва раиси Созмони собиқадорон генерал-майори мустаъфии милитсия Ҷурахонзода Саид Қаюм барои таваҷҷуҳи рӯзафзун ба собиқадорони мақомоти корҳои дохилӣ баён намуд.
Умар Зиёев аз соли 2014 инҷониб дар нафақа буда, имрӯзҳо дар ҳалқаи фарзандону наберагонаш давлати пирӣ меронад ва аз хизматҳои кардааш дар соҳаи фарҳанги кишвар ва мақомоти корҳои дохилӣ ифтихор менамояд.

800

Дар хотима, мавсуф барои хизматҳои содиқона, софдилонаи тӯлонӣ дар мақомоти корҳои дохилӣ, содиқ будан ба Савганди худ, тарбияи насли ҷавони имрӯзаи мақомоти корҳои дохилӣ, саҳми арзанда дар таҳким ва робитаҳои кории Созмони собиқадорони ВКД ва ба муносибати рӯзи зодрӯзаш бо Сипоснома ва туҳфаи хотиравӣ сарфароз гардонида шуд.

Тоҷиддин ЛАТИПОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика