Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Содиқ ба Савганд

1579

Ба тан дорам либоси нанги миллат,

Дар он бедориву оҳанги миллат.
Вуҷудам аз шарофат бахтиёр аст,
Ва ҷону дил фидои ин диёр аст.

1580

Содиқ модарам.

Тифли ман ҳар субҳ мепурсад зи ман,
Модари ҷонам, куҷо дорӣ шитоб?
Лаҳзае биншин, ки дар оғӯши ту,
Баҳри ман ширин бигардад нозу хоб.

Нахли умрам, ҷони ширинам, бубахш,
Зиндагонӣ ҳаст баҳри пурхурӯш.
Меҳру ишқу ҳастиям моли ту аст,
Бо муҳаббат бӯса мерезам ба рӯш.

Меравам дар роҳи Савганду вафо,
Хизматамро аз дилу ҷон мекунам.
Дар талоши ҳақ муроде оварам,
Мардумонро мушкил осон мекунам.

То туву тифлони зебо мисли ту,
Бол бикшоянд дар боғу чаман.
Дар фазои амн хушҳолӣ кунанд,
Арҷ бигзоранд бар хоки Ватан.

Бо нишони нангу номуси баланд,
Меравам ҷонам, ки шодӣ оварам,
Дар пайи Савганд, содиқ модарам,
Ман вафодорам ба халқи кишварам.

1581

Модар
Модарам, гиря макун,
Модарам, гиря макун,
Ҷони саргаштаи ту афсурдаст,
Ман намурдам, ки ту фарёд кашӣ,
Зиндаам, то ки Ватан осудаст.

Модарам, гиря макун,
Паи Савганд, ки хӯрдам ба Ватан,
Ба вафову ба шарофат мурдам.
Тири душман, ки танамро бидарид,
Марди майдони садоқат мурдам.

Модарам, гиря макун,
Руҳи мотамзадаат пурчин аст,
Дар ҷигар захми ҳазорон тир аст,
Захмбардоштаи дар шиканам,
Ҳасрато, ин ҳама аз тақдир аст.

Модарам, гиря макун,
Шермардони шаҳидат хобанд,
Дар дили хоки Ватан осуда.
Зиндаёданду фидоии туянд,
Раҳи мардонагиро паймуда.
Модарам гиря макун.

Офоқ Қодириён, подполковники милитсия, узви Иттифоқи Нависандагони Ҷумҳурии Тоҷикистон




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика