Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Хушҳолии фарзандони кормандони милитсия аз намоишномаи «Подош»

706

Рӯзи 28 декабр кормандони мақомоти корҳои дохилӣ ҳамроҳи фарзандонашон ба тамошои намоишномаи “Подош”-и Театри давлатии ҷавонони Тоҷикистон ба номи Маҳмудҷон Воҳидов, ки зери саркоргардонии Қамариддин Мирзоев ва дар таҳияи Абдумумин Шарифӣ рӯйи саҳна гузошта шуда буд, рафтанд.
Намоишномаи мазкур афсонавӣ буда, он хусусияти тарбиявӣ дошта, инъикосгари некӣ ба бадӣ мебошад. Ҳайвонҳо мисли одамон дар талоши зиндагианд. Ҳаёташон пур аз адолату хиёнат, некиву бадӣ, амали хайр ва дурӯғу фиреб аст. Харгӯшак хушу хурсандона бо рақсу суруд барои худ хона месозад. Рӯбоҳ бо роҳи фиребу найранг хонаи харгӯшро соҳиб мешавад. Харгӯшак дар хунукии зимистон дар берун монда, аз ночорӣ мегиряд. Ба кумакаш бӯзича ва хурӯспаҳлавон меоянд. Хурӯс, ки бачаи хурдакакаш Ҳушёракро гум карда буд, бо кумаки харгӯш ва бӯзича писарашро меёбад. Акнун мехоҳад аз сидқ ба харгӯшак ёрӣ диҳад, вале рӯбоҳи ҳиллагарро аз хона берун кардан кори осон набуд. Ба кумаки онҳо шамол меояд. Ӯ фиребу найранг, яъне яроқи худ рӯбоҳро истифода карда, ӯро аз хонаи харгӯшак берун мекунад.
Харгӯшаку хурӯсу бӯзича рӯбоҳро танбеҳ медиҳанд. Ҳар кас подоши амали худро мегирад. Рӯбоҳ ба тавбаву зорӣ гузашта, ваъда медиҳад, ки дигар ба ҳеҷ кас бадӣ нахоҳад кард ва барои худаш хона сохта, аз рӯйи виҷдон зиндагӣ хоҳад кард. Бо хоҳиши шамол харгӯшу хурӯсу бӯзича гуноҳи рӯбоҳро мебахшанд ва якҷоя рақсу сурудхонон хурсандиву шодӣ мекунанд.

707708

Аз намоишномаи мазкур фарзандони кормандони мақомоти корҳои дохилӣ рӯҳбаланд гардида, ҳар кадоме худро бо тақлид намудани нақши яке аз ҷонварони саҳна ташбеҳ менамуданд. Аз ин рафтори кӯдакон айён буд, ки ба онҳо тамошои ин намоишнома хуш омадааст.

Тоҷиддин ЛАТИПОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика