Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Зи ишқи Ватан ҷӯш дорад дилам…

1404

- Театр оинаи зиндагӣ буда, ҳаётро дар тарозӯи ақл бармекашад. Театр гӯш кардан, тафаккур кардан ва андешиданро меписандад. Дар театр ҳунармандон нафаси тамошобинонро эҳсос менамоянд ва аз ин рӯҳу илҳоми тоза мегиранд. Мо дар ҷараёни намоишномаҳо, бурду бохти худро мебинем, ба қадри неъматҳои мавҷуда мерасем ва хулоса мебарорем, - иброз дошт ҳунарманди шинохта Султонмурод Бобомуродзода зимни оғози драмаи «Ишқи Ватан».

1405

Ин намоиш аз ҷониби ҳунарпешагони Театри давлатии академии драмавии ба номи А.Лоҳутӣ ба ифтихори 75-солагии Ғалаба дар Ҷанги Бузурги Ватанӣ ва бузургдошти шоири ҷанговар Ҳабиб Юсуф бахшида шуда буд. Драмаи мазкур рӯзи 18-уми декабр пешкаши кормандони милитсия ва афсарону сарбозони Қӯшунҳои дохилии ВКД гардид. Намоишнома инъикосгари ҳаёти ҷангӣ, задухурд дар ҷабҳа ва меҳру муҳаббат ба Ватан ва дилбастагӣ ба маънавиёт буд.
Драма чунин шурӯъ гардид, ҳангоми гусели сарбозон ногоҳ нафаре шоир Ҳабиб Юсуфӣ ва устоди ӯро мебинад. Ду ҷавони даъватгардида бо ҳам баҳс намуда, яке нобоварона мегӯяд, ки ин шоир Юсуфӣ нест, наход шоир ҳам ба ҷанг раҳсипор гардад ва бо ивази иҷрои рақси тоҷикӣ гарав мебанданд. Ҳамин тавр, пас аз муайян гардидани шоир, аз ӯ хоҳиш карда мешавад, ки ҳангоми гусели тоҷикписарон ба ҷабҳа шеъре аз эҷодиёташ қироат намояд, то душманбадбинии ҷавонон боз ҳам зиёд гардад.
Сардори взвод лейтенант Ҳабиб Юсуфӣ дар вақтҳои фориғ аз муҳорибаҳо бо ҳамяроқонаш маҳфилҳои фарҳангӣ доир намуда, ҳисси ватандӯстии онҳоро баланд мебардорад. Тасодуфан бо як асир - шоир Ҳанс Ҳофелберг вомехӯрад, ки дӯстдори забони форсӣ мебошад. Чун бо ӯ суҳбат менамоянд ва аз донишу маърифаташ воқиф мегарданд, ӯро аз асорат озод менамоянд.
Ҳодисаҳои ғамангезу пуршӯр яке паси дигаре аз пеши назар чун оина сипарӣ мегардад. Шоири тоҷик Ҳабиб Юсуфӣ дар ҷанг захмин ва сипас ҳалок мегардад…

1406

Дар драма шеърҳои дар солҳои ҶБВ бахшидаи Ҳабиб Юсуфӣ садо дода, ба тамошобинон завқи меҳанпарастиро афзун мегардонд. Аз ҷумла:
Вақти он аст, эй қалам, буррандатар гардӣ зи теғ,
Вақти он аст, эй сухан, ғуррандатар гардиӣ зи барқ!

Наврӯз ҶОБИРОВ,
Тоҷиддин ЛАТИПОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика