Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Амалиёти шартии «Тасмаи бехатарӣ»

Бо мақсади пешгирии ҳодисаҳои нохуши нақлиётӣ, дар асоси дастуру супоришҳои роҳбарияти Вазорати корҳои дохилӣ, аз 1-ум то 20-уми августи соли 2023, дар шаҳри Душанбе ва қаламрави ҷумҳурӣ амалиёти шартии «Тасмаи бехатарӣ» гузаронида мешавад.

Чуноне таҳлил ва мушоҳидаҳо нишон медиҳанд, дар бештари садамаҳои нақлиётӣ, ки ронандагон ва мусофирон аз беаҳамиятӣ тасмаи бехатариро истифода накардаанд, оқибат ба ҷароҳату ҳалокшавии шаҳрвандон анҷом ёфтааст. Махсусан дар ҳолати дар курсии пеш шинондани кӯдакони хурдсол, ки тибқи талаботи Қоидаҳои ҳаракат дар роҳ қатъиян манъ карда шудааст, чунин ҳолатҳо ба чашм мерасанд.
Вобаста ба ин мақомоти корҳои дохилӣ ба иттилои кулли ронандагон мерасонад, ки ҳангоми идораи воситаи нақлиёт ба таври қатъӣ аз «тасмаи бехатарӣ» истифода намуда, ҷони худро зери хатар нагузоранд.
Давоми 20-рӯзи баргузории амалиёти мазкур кормандони бозрасӣ дар миқёси ҷумҳурӣ бо мақсади муайян ва пешгирии чунин қоидавайронкунӣ рейду амалиёт ва корҳои фаҳмондадиҳӣ баргузор менамоянд.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика