Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Охирин собиқадори дар Ҷанги бузурги Ватанӣ иштирок намудаи милитсияи Суғд вафот кард

151

Рӯзи 8-уми феврали соли 2023 собиқадори мақомоти корҳои дохилӣ Абдувалӣ Қайюмов, сокини ҷамоати деҳоти Хонободи шаҳри Исфара дар синни 99 солагӣ аз қайди ҳаёт рафт. Мавсуф охирин собиқадори дар қайди ҳаёт будае маҳсуб меёфт, ки дар Ҷанги бузурги Ватанӣ иштирок ва баъдан дар сохтори милитсия фаъолият намудааст.
Дар митинги видоъ, ки Раёсати ВКД дар вилояти Суғд ва МИҲД шаҳри Исфара баргузор намуданд, таъкид рафт, ки штирокчии ҶБВ Абдувалӣ Қайюмов моҳи июли соли 1924 дар ҷамоати деҳоти Хонободи шаҳри Исфара дар оилаи деҳқон таваллуд шудааст. Соли 1932 ба мактаби ибтидоии зодгоҳаш рафта соли 1936 синфи 4-ро хатм намуда, баъдан то соли 1942 дар колхоз заҳмат кашидааст. Моҳи январи соли 1942 барои хизмат ба сафи Қувваҳои мусаллаҳ даъват шуда, хизматро ба ҳайси телеграфист дар Полки №42 алоқа дар шаҳрҳои гуногуни Федератсияи Россия, Калинский ва Лвови Украина то моҳи апрели соли 1947 идома медиҳад. Дар муҳорибаҳои ҷангӣ ва озод намудани шаҳрҳои гуногуни Федератсияи Россия, Украина, шаҳру деҳоти давлатҳои соҳили Балтик ва Чехословакия саҳм гузоштааст.
Соли 1951 ба сафи милитсияи Шуравӣ пайваста, зиёда аз 30 сол дар мақомоти корҳои дохилӣ фаъолияти бенуқсон менамояд. Фаъолияти хизматиашро аз вазифаи милитсионери қатории шуъбаи корҳои дохилии шаҳри Исфара оғоз намуда то ба вазифаи командири Хадамоти давлатии «Муҳофиза»-и шуъбаи мазкур идома медиҳад ва соли 1982 ба нафақа мебарояд.
Дар маросими видоъ раиси Шӯрои Созмони собиқадорон дар назди Раёсати ВКД Ҷумҳурии Тоҷикистон дар вилояти Суғд полковники мустаъфии милитсия Алиҷон Ҳайдаров ба пайвандони марҳум ҳамдардии Вазири корҳои дохилӣ генерал-полковники милитсия Рҳимзода Рамазон Ҳамро, сардори Раёсати ВКД дар вилояти Суғд генерал-майори милитсия Навҷувонов Абдулло Шанбиевич ва ҳайати шахсии милитсияи вилоятро расонида, ҳаёту фаъолияти ӯро ба некӣ ёд карданд.
Собиқадори милитсияро дар оромгоҳи зодгоҳаш ба хок супориданд.
Акбар Шарифӣ, майори милитсия.




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика