Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Қадрдонии собиқадорон

Дар ҷамъомади тантанавие, ки дар маҷлисгоҳи Созмони собиқадорони Вазорати корҳои дохилӣ бо иштироки масъулини Раёсати кадрҳо ва кор бо ҳайати шахсии ВКД баргузор гардид, ба он собиқадороне, ки ба муносибати Рӯзи милитсияи тоҷик аз ҷониби роҳбарияти Вазорат қадрдонӣ гардида буданд, дар фазои идона нишонҳои сарисинагӣ ва туҳфаҳои ҷашнӣ супорида шуданд.

Чорабиниро раиси Созмони собиқадорони ВКД генерал-майори мустаъфӣ Ҷурахонзода Саид Қаюм оғоз намуда, қайд кард, ки «Мо - собиқадорону нафақахӯрони мақомоти корҳои дохилӣ, барои дастгириву ғамхориҳои пайвастаи давлату Ҳукумат ва таваҷҷуҳи хоса зоҳир намудани роҳбарияти мақомоти корҳои дохилӣ, бахусус Вазири корҳои дохилӣ генерал-полковники милитсия Раҳимзода Рамазон Ҳамро арзи сипосу миннатдорӣ менамоем».
Саид Ҷурахонзода зимни баромади худ зикр кард, ки мо - собиқадорон бояд дар тарбияи насли наврасу ҷавонон, махсусан кормандони ҷавони мақомоти корҳои дохилӣ ва ояндаи дурахшони миллати худ бештар саҳмгузор бошем.
«Тавре Вазири корҳои дохилӣ генерал-полковники милитсия Раҳимзода Рамазон Ҳамро дар баромади худ дар чорабинии тантанавӣ ба муносибати Рӯзи милитсияи тоҷик қайд намуд, мақомоти корҳои дохилӣ собиқадорони худро дорад, ки дар таъмини суботу оромӣ ва мубориза бо ҷинояткорӣ нақши арзанда гузоштаанд. Собиқадорони мақомоти корҳои дохилӣ ҳамеша дар пешбурди самти фаъолият, баланд бардоштани малакаи касбӣ ва омўзонидани таҷрибаи пешқадам ба кормандони ҷавон саҳми арзанда доранд», - илова намуд ӯ ва афзуд, ки «дар ин асно ҳар яки моро зарур аст, ки бовариву эътимоди роҳбарияти Ҳукумати кишвар ва Вазорати корҳои дохилиро сазовор бошем».

Дар идомаи ҷамъомад як қатор собиқадорону нафақахӯрон бо Фармони Вазорати корҳои дохилӣ бахшида ба Рӯзи милитсияи тоҷик, барои хизмати тӯлонӣ дар мақомот ва муносибати поквиҷдонона нисбати иҷрои вазифаҳои хизматӣ, гузоштани саҳми арзанда дар тарбияи кормандони ҷавон, инчунин дастгирӣ намудани нафақахӯрон бо нишони сарисинагии «20-солагии таъсисёбии Созмони собиқадорони ВКД» қадрдонӣ карда шуданд.
Раҷаббек ИЛЁСОВ




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика