Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Машғулияти хизматӣ оид ба таърихи пайдоиши милитсияи тоҷик

Имрӯз (29.09.с.2017) дар толори Вазорати корҳои дохилӣ бо иштироки ҳайати шахсии Дастгоҳи марказии Вазорати корҳои дохилӣ бахшида ба «Таърихи пайдоиши милитсияи тоҷик» машғулияти хизматӣ доир гардид.

Машғулияти хизматиро Фармондеҳи Раёсати Қӯшунҳои дохилии ВКД полковник Бобозода Хусрав оғоз намуда, дар хусуси «Таърихи пайдоиши милитсияи тоҷик, ташаккул ва саҳми он дар тақвияти Истиқлолияти давлатии кишвар» муфассал баромад намуд.
Мавсуф зимни суханронӣ қайд кард, ки «Милитсия дар низоми давлатии таъмини амнияти кишвари мо нақши асосиро бозида, калонтарин ва серваколаттарин сохтори қудратии давлат ба ҳисоб меравад. Саҳифаи дурахшони солномаи милитсияи Тоҷикистон ба солҳои Ҷанги Бузурги Ватанӣ алоқаманд мебошад, ки аз ҳисоби кормандони он зиёда аз 1200 нафар дар муҳорибаҳои ҷанги адӯ иширок намуда, Эргалӣ Шарифов, М.Новосельсев, Муҳаммад Ҳоваҷӣ, В.Недовижин ба унвони Қаҳрамони Иттифоқи Советӣ мушарраф гардидаанд».

Қайд кардан ҷоиз аст, ки дар ташаккулёбии милитсияи тоҷик тарбияи кадрҳои маҳаллӣ ва таъсиси раёсату шӯъбаҳои гуногуни мақомот ва сохтмони иншооти хизматӣ, нақши Бобо Маҳкамов зиёд мебошад. Даврони истиқлолияти кишвар, ки таърихи нави давлатамон мебошад, дар саҳифаҳои нав кору фаъолияти милитсияро ибтидо гузошт. Дар баробари ин истиқлолияти давлатӣ дар назди кормандони милитсияи тоҷик масъулияти ниҳоят бузург ва басо пуршараф ба монанди ҳифзи манфиатҳои миллӣ, таъмини бехатарии давлат, ҳуқуқу озодиҳо ва ҳаёти осоиштаи шаҳрвандон ва ҳимояи истиқлолияти давлатиро гузошт.

Дар идомаи суханронӣ зикр гардид, ки аз ибтидо то кунун кормандони милитсия бо ҳисси баланди масъулият сарбаландона ин суннат ва рисолати таърихии худро иҷро карда истодаанд. Мақомоти корҳои дохилӣ ба як ниҳоди муқтадири ҳифзи ҳуқуқи кишвар табдил ёфта, қодир аст ҳама гуна амалҳои душманонаи гурӯҳҳои ҷиноятпешаро, ки ба амнияту суботи дохилии давлат, ҳуқуқу озодиҳои шаҳрвандон хатар эҷод мекунад, ҷилавгирӣ намояд.
Боиси ифтихор аст, ки ба фаъолияти кормандони милитсия аз тарафи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳои мусбӣ дода шудааст. Аз ин лиҳоз ҳар яки моро зарур аст, ки ба ин баҳои баланди нисбати фаъолияти касбии милитсия додаи Сарвари давлат сазовор будани худро ба таври воқеӣ дар амал нишон диҳем,-афзуд ӯ.
Дар охири машғулияти хизматӣ миёни иштирокдорон мубоҳиса сурат гирифта, онҳо ба саволҳои худ оид ба таърихи пайдоиши милитсияи тоҷик ҷавобҳои мушаххас гирифтанд.
Рухшона Шукурова




  Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз!Баъди чанд рӯзи дигар соли 2021, ки барои мардуми шарифи Тоҷикистон яке аз солҳои воқеан таърихӣ ва фаромӯшнашаванда – сисолагии истиқлолияту озодии Ватани маҳбубамон мебошад, сипарӣ мешавад ва кишвари азизи мо ба марҳалаи нави рушду тараққиёти худ ворид мегардад.Бо ифтихору қаноатмандӣ иброз медорам, ки даврони соҳибистиқлолӣ барои мардуми сарбаланди мо давраи саъю кӯшишҳои ватандӯстона ва заҳмату талошҳои созанда ба хотири ҳифзи истиқлолияту озодии Тоҷикистон, пешрафти давлат ва ободии Ватан ба ҳисоб меравад.Мову шумо хуб дар ёд дорем, ки даҳ соли аввали истиқлолият барои мардуми Тоҷикистон марҳалаи озмоиши бисёр сахту сангини таърихӣ буд.Аз ин лиҳоз, хотирнишон месозам, ки ин рӯзҳои орому осуда ба мардуми мо ба осонӣ муяссар нашудаанд.Барои расидан ба бузургтарин дастоварди ....>>>

04.08

© 2022 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика