Вохӯрии кормандони милитсия бо сокинони ноҳияи Ш.Шоҳин

Рӯзи 4-уми майи соли 2018 дар ҷамоати деҳоти ба номи Нуриддин Маҳмудови ноҳияи Ш.Шоҳин вохӯрии роҳбарияти Раёсати Вазорати корҳои дохилӣ дар вилояти Хатлон бо мақсади пурзӯр гардидани Қонуни Ҷумҳурии Тоҷикистон «Дар бораи танзими анъана ва ҷашну маросимҳо», пешгирии ҷиноятҳои марбут ба ифротгароӣ ва пешгирии ҷиноятҳо байни ҷавонону ноболиғон вохӯрии судманд бо иштироки кормандони ҳифзи ҳуқуқ бо фаъолон, кормандони соҳаи тандурустӣ, бунгоҳҳои тиббӣ, хатибони масҷидҳо, омӯзгорони ноҳия ва доираи васеи сокинон баргузор гардид.
Дар оғоз Раиси ноҳияи Ш.Шоҳин Зарифзода Почохон суханронӣ намуда, зикр кард, ки мардуми ноҳия бо итминони комил дар ҳама маврид метавонанд баҳри мубориза ва муқовимат бо ҷинояту ҷинояткорӣ ба мақомоти милитсия такя кунанд.
Сокинон ҳамеша аз вазъияти минтақа хабардор мебошанд ва пайваста метавонанд дар пешгирӣ ва рафъи падидаҳои халалдоркунандаи тартиботи ҷамъиятӣ саҳмгузор бошанд.

Сипас, муовини сардори РВКД дар вилояти Хатлон полковники милитсия Вализода Илҳомиддин иброз дошт, ки ҳамкориҳои судманди милитсия бо ҷомеа яке аз самтҳои аввалиндараҷаи фаъолияти хизматии мақомоти корҳои дохилӣ ба ҳисоб меравад, ки имрӯзҳо роҳбарияти Вазорати корҳои дохилии Ҷумҳурии Тоҷикистон ба ин самти фаъолият таваҷҷӯҳи махсус зоҳир менамоянд.
Дар фарҷом ба кормандони милитсия ва сокинони ноҳия дар самти таъмини волоияти қонун ва ҳифзи тартиботи ҷамъиятӣ дар ҳудуди ноҳия изҳори миннтадорӣ намуда, ҳадаф аз ин вохӯриҳоро пешгирии ҷинояту ҷинояткорӣ ва дигар кирдору амалҳои номатлуб арзёбӣ намуд.
Чанд нафар аз сокинон ба роҳбарияти РВКД дар вилояти Хатлон оиди мушкилоти ҷойдошта саволу дархостҳо пешниҳод намуданд, ки мавриди баррасӣ қарор дода шуданд.
Офоқ Қодириён