Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Семинар – машварат оид ба танзими анъана ва ҷашну маросимҳои миллӣ

21-уми сентябри соли равон, дар толори маҷлисгоҳи Маркази таълимии Сарраёсати Хадамоти давлатии оташнишонии ВКД Ҷумҳурии Тоҷикистон, семинар-машварат оид ба тағйиру илова ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» доир гардид.
Дар кори семинар-машварат роҳбарияти СХДО ва кормандони масъулу раисони созмонҳои ҷамъиятии хадамоти давлатии оташнишонӣ аз тамоми шаҳру ноҳияҳои ҷумҳурӣ, намояндаи Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Нигинамоҳ Ризоева, кормандони Раёсати кадрҳо ва кор бо ҳайати шахсии ВКД подполковники милитсия Акрам Элмуродов ва капитани милитсия Некрўз Шомирзоев иштирок намуданд.

Семинар-машваратро сардори СХДО ВКД Ҷумҳурии Тоҷикистон генерал-майори хизмати дохилӣ Нозимҷон Иброҳимзода ифтитоҳ намуда, қайд кард, ки Қонун «Дар бораи танзими анъана ва ҷашну маросимҳо дар Ҷумҳурии Тоҷикистон» аз ҷумлаи қонунҳои умумимиллие мебошад, ки дар қабул ва тағйиру иловаҳо ба он таклифу пешниҳодҳои шаҳрвандон пурра ба назар гирифта шудааст, ки назири чунин қонун дар таҷрибаи қонунгузории дигар давлатҳо ҷой надорад.
Сармутахассиси Раёсати танзими Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Нигинамоҳ Ризоева ҳам дар маърӯзаи худ иброз доштанд, ки лоиҳаҳои пешниҳодгардида дар асоси дархосту пешниҳоди сокинони мамлакат зимни вохӯриҳо, баромадҳо тавассути воситаҳои ахбори омма, инчунин зимни мулоқот ба муносибати 10-солагии қабули Қонун «Дар бораи танзими анъана ва ҷашну маросимҳо дар Ҷумҳурии Тоҷикистон» 11 июли соли 2017 баён гардида буданд, таҳия гардидаанд.
Ба он як қатор меъёрҳои наве ворид гардидаанд, ки онҳо барои ҳимояи манфиатҳои аҳолӣ равона карда шудаанд. Аз ҷумла, дар рӯзҳои Иди Рамазон ва Қурбон оростани дастархони маънавии хоксорона ва роҳ надодан ба исрофкорӣ ва зиёдаравӣ….

Кормандони Раёсати кадрҳо ва кор бо ҳайати шахсии ВКД Акрам Элмуродов ва Некрӯз Шомирзоев тағйиру иловаҳои воридгардидаро ба моддаҳои 10, 11 ва 14-и Қонуни мазкур муфассал шарҳ доданд.
Ҳамчунин дар рафти семинар-машварат қайд карда шуд, ки тибқи таҳлилҳо аксари мардум бар он ақидаанд, ки талаботи қонуни мазкурро бештар шахсони мансабдор, хизматчиёни давлатӣ, сарватмандон, соҳибкорон ва ходимони дин вайрон мекунанд.
Бо назардошти ин ҳолат мувофиқи меъёри нави Қонун аъзои Ҳукумат, раисони вилоятҳо ва шаҳру ноҳияҳо, дигар шахсони мансабдори давлатӣ, хизматчиёни давлатӣ, судяҳо, кормандони мақомоти прокуратура, амният, корҳои дохилӣ, назорати давлатии молиявӣ ва мубориза бо коррупсия, дигар кормандони мақомоти ҳифзи ҳуқуқ, андоз, гумрук ва хизматчиёни ҳарбӣ барои вайрон кардани талаботи Қонуни мазкур аз ҷониби онҳо ва фарзандонашон мутобиқи Қонунгузории Ҷумҳурии Тоҷикистон аз мансаб озод карда мешаванд.
Дар интиҳои чорабинӣ аз ҷониби маърӯзачиён ба саволҳои иштирокчиёни семинар-машварат посухҳои муфассал дода шуданд.
Кароматулло Абдуллоев, Толиб Ҳаётов, СХДО ВКД




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика