Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрии аъзоёни Шӯрои ҷамъиятӣ бо аҳолии минтақаи Кӯлоб

916

Лоиҳаи нави Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсияи Қисми минтақавии РВКД дар вилояти Хатлон оид ба гуруҳи ноҳияҳои Кӯлоб аз тарафи ташкилоти байналмилалии «Дунёи бехатар» (Сейферворлд) тасдиқ ва дастгирӣ ёфтааст.
Мавриди қайд аст, ки рӯзи 25-уми июни соли 2020 Нақшаи кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Қисми минтақавии РВКД дар вилояти Хатлон оид ба гуруҳи ноҳияҳои Кӯлоб аз тарафи раиси Шӯрои мазкур тартиб дода шуд ва аз тарафи муовини сардори ҚМ РВКД дар вилояти Хатлон оид ба гуруҳи ноҳияҳои Кӯлоб мувофиқа карда шуд.
Рӯзи 6-уми июли соли 2020 Нақшаи кории Шӯрои ҷамъиятии мазкур барои оғози амалисозии фаъолиятҳо аз тарафи Раиси Шӯро Шамсзода Зикриё тасдиқ гардид.
Мувофиқи Нақшаи кории Шӯрои ҷамъиятии назди ҚМ РВКД дар вилояти Хатлон оиди гуруҳи ноҳияҳои Кӯлоб вохӯриҳо бо усули хона ба хона оиди пешгирии пандемияи КОВИД-19 (дар ҳар як ноҳия байни 20 оила) аз тарафи аъзоёни Шӯрои ҷамъиятии минтақаи Кӯлоб бо маром идома ёфта истодааст.

917918

Ҳамин тариқ, рӯзи 13-уми июли соли равон аз тарафи аъзои Шӯрои мазкур Абдуллоева Фариштамо ва нозири минтақавӣ Бобиев Беҳрӯз дар ҷамоати 20-солагии Истиқлолияти ноҳияи Фархор байни 20 оила, санаи 14-уми июл дар ноҳияи Данғара аз тарафи аъзои дигари Шӯрои ҷамъиятӣ Қурбонов Бобохон ва нозири минтақавӣ байни 20 оила, санаи 14-уми июл ва рӯзи 16-уми июли соли равон дар ноҳияи Ҳамадонӣ аз тарафи раиси Шӯрои ҷамъиятӣ Шамсзода Зикриё ва нозири минтақавии ҷамоати шаҳрак Раҳимзода Назрулло байни 20 оила, дар ноҳияи Темурмалик аз тарафи аъзои ШҶ Кӯлоб Наврузов Қурбонали ва нозири минтақавӣ Шарифзода Комилҷон байни 20 оила ва рӯзи 21-уми июл аъзои ШҶ Кӯлоб Ситамов Қурбон дар якҷоягӣ бо нозири минтақавӣ Ҳафиззода Амрулло дар ҷамоати Абди Авазови ноҳияи Восеъ вохӯрӣ бо усули хона ба хона оиди пешгирии пандемияи КОВИД-19 аз тарафи аъзоёни Шӯрои ҷамъиятии минтақаи Кӯлоб ва нозирони милитсия ташкил ва гузаронида шуд.
Зимни вохӯриҳо ба аҳолӣ фаҳмонида шуд, ки аз эҳтиёт кор бигиранд, худ ва наздиконашонро аз ин вируси марговар эмин нигаҳ доранд. Инчунин ба аҳолӣ маводҳои ташвиқотӣ тақдим карда шуд. Чунин иқдоми нек то охири моҳи июл дома хоҳад ёфт.

919920921

Бояд қайд кард, ки Нақшаи кории Шӯрои ҷамъиятӣ оид ба мусоидати ҷомеаи шаҳрвандӣ ба ислоҳоти милитсияи Қисми минтақавии РВКД дар вилояти Хатлон оид ба гуруҳи ноҳияҳои Кӯлоб бо дастгирии молиявии ташкилоти байналмилалии "Дунёи бехатар" (SAFERWORLD) ва бо мусоидати ташкилоти ҷамъиятии "Заршедабону" амалӣ гардида истодааст.
Гул Маҳбуба




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика