Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Мулоқоти судманд вобаста ба сатҳи ҷинояткорӣ ва дигар ҳуқуқвайронкуниҳо

234

Дар асоси нақша-чорабиниҳои тасдиқнамудаи Хадамоти пешгирии ҳуқуқвайронкунӣ дар байни ноболиғон ва ҷавонони ВКД ва Сарраёсати маорифи шаҳри Душанбе, дар муассисаи таҳсилоти миёнаи умумии №72-и ноҳияи Фирдавсӣ вохӯрии кормандони милитсия бо хонандагон ва омӯзгорони ин муассисаи таълимӣ баргузор гардид. 

Дар вохӯрии мазкур сардори Хадамоти зикргардида полковники милитсия Фаттозода Абдусаттор Абдуқаҳор вобаста ба сатҳи ҷинояткорӣ ва дигар ҳуқуқвайронкуниҳо дар байни ҷавонон ва наврасон баромад намуда, зикр кард, ки танҳо дар якҷоягӣ бо мактабу маориф ва робитаи зич бо волидайн мо метавонем ба ҳама гуна зӯроварию ҷиноятпешагӣ ғолиб оем.

235236

Дар чорабинӣ таваҷҷуҳи махсус ба таълиму тарбияи хонандагон равона гардида, зикр гардид, ки ташкили гурӯҳ ва муноқишаҳои гурӯҳӣ аз ҷониби хонандагони муассисаҳои таълимӣ имрӯз аҳли ҷомеаро ба ташвиш андохтааст. Вазифаи мову шумо ин аст, ки дар якҷоягӣ зидди ин зуҳуроти номатлуб мубориза бурда, ҷиҳати пешгирӣ намудани қонуншиканӣ, шомилшавии ҷавонон ба ҳар гуна гурӯҳҳои ифродгаро ва даст задани онҳо ба ҷинояту ҷинояткорӣ корҳои фаҳмондадиҳӣ гузаронида, пеши роҳи содиршавии амалҳои номатлубро бигирем.
Чунин чорабиниҳои мақсаднок пайваста дар муассисаҳои таълимӣ ба роҳ монда шуда, кормандони милитсия мунтазам сӯҳбату вохӯриҳои судманд бо хонандагон доир менамоянд.
Дилшод Холов




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика