Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ҳадаф: боз ҳам балад бардоштани ҳисси масъулиятшиносии роҳбарону масъулини муассисаву иншоот

207

Дар асоси талаботи Вазорати корҳои дохилии Ҷумҳурии Тоҷикистон роҳбарияти Сарраёсати хадамоти давлатии оташнишонӣ бо мақсади сари вақт пешгирии ҳолатҳои сар задани ҳодисаҳои ноҳуши сӯхтор дар тамоми иншооти стратегию ҳаётан муҳим, муассисаву корхона, бозору марказҳои савдо, хобгоҳҳову маҳаллаҳои аҳолинишин ва ҷойҳои оммавӣ корҳои профилактикӣ-фаҳмондадиҳиро васеъ ба роҳ монда, ҳамчунин аз тарафи муҳандисону нозирони назорати давлатии бехатарӣ аз сӯхтори Сарраёсат ва ҷузъу томҳои он, ҷиҳати баланд бардоштани маърифати ҳуқуқӣ ва ҳисси масъулиятшиносию иштироки фаъолонаи коргарону хизматчиён ва шаҳрвандони синну соли гуногун дар пешгирии ҳодисаҳои сӯхтор, омӯзиши меъёру талаботи қоидаҳои бехатарӣ аз сӯхтор ва машғулятҳои амалиро вобаста ба андешидани чораю амалҳои зарурӣ дар вақти рух додани он, дар сатҳи баланд ташкил ва баргузор намуда истодаанд.

208

Дар ин замина аз тарафи мутахассисони СХДО ВКД дар якҷоягӣ бо кормандони Раёсати хадамоти давлатии оташнишонии шаҳри Душанбе ва воҳидҳои зерсохтори он, дар хобгоҳи Донишгоҳи давлатии молия ва иқтисодии Тоҷикистон, воқеъ дар кӯчаи Нахимов 64/16-и пойтахт, ки барои 700 нафар донишҷӯёну оилаҳои омӯзгорон пешбинӣ шудааст ва дар хобгоҳи №1-и Донишгоҳи давлатии тиҷорати Тоҷикистон, воқеъ дар кӯчаи Деҳотӣ 1/2 -и шаҳри Душанбе, ки барои 403 нафар донишҷӯёну оилаҳои омӯзгорон пешбинӣ шудааст, корҳои профилактикӣ-фаҳмондадиҳӣ ташкил ва гузаронида шуданд.
Вобаста ба натиҷаҳои чорабиниҳои зиддисӯхтории доиркарда шуда, аз тарафи муовини аввали сардори СХДО ВКД Ҷумҳурии Тоҷикистон полковники хизмати дохилӣ Қутфиддин Салоҳиддинзода ва сармутахассиси Шуъбаи назорати давлатии бехатарӣ аз сӯхтори Сарраёсат майори хизмати дохилӣ Хуршед Шарипов бо роҳбарияту масъулин ва омӯзгорону донишҷӯёни донишгоҳи номбурда, семинар-машварат дар мавзӯи «Аз сӯхтор эҳтиёт бошед!» дар сатҳи баланд ташкил ва баргузор карда шуд.

209

Дар рафти семинар-машварат аз тарафи муовини аввали сардори СХДО ВКД Қутфиддин Салоҳиддинзода ва сармутахассиси Шуъбаи назорати давлатии бехатарӣ аз сӯхтори Сарраёсат майори хизмати дохилӣ Хуршед Шарипов сабабу омилҳои асосии ба амал омадани ҳодисаҳои нохуши сӯхтор ва роҳҳои пешгирии он ба ҳозирин бо овардани мисолҳо аз ҳодисаҳои воқеӣ ба таври муфассал фаҳмонида шуда, ба саволҳои онҳо посухҳои дақиқ дода шуданд.
Дар фарҷоми ҷамъомад аз тарафи ректори Донишгоҳи давлатии тиҷорати Тоҷикистон Ҳамидуллохон Фақеров ба роҳбарияти Вазорати корҳои дохилии Ҷумҳурии Тоҷикистон ва Сарраёсати хадамоти давлатии оташнишонии ВКД барои дар сатҳи баланд ташкил ва баргузор намудани чорабиниҳои профилактикӣ-фаҳмондадиҳӣ ва омӯзиши талаботи меъёру қоидаҳои бехатарӣ аз сӯхтор изҳори сипос карда шуд.
Кор дар ин самт аз тарафи СХДО ВКД ва ҷузъу томҳои он дар тамоми шаҳру ноҳияҳои ҷумҳурӣ идома дорад.
Кароматулло Абдуллоев
Толиб Ҳаётов
СХДО ВКД




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика