Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Вохӯрӣ дар Донишгоҳи техникии Тоҷикистон ба номи Муҳаммад Осимӣ

389

Рӯзи 19-уми апрели соли 2018, дар Донишгоҳи техникии Тоҷикистон ба номи Муҳаммад Осимӣ кормандони Хадамоти пешгирии ҳуқуқвайронкунӣ байни ноболиғон ва ҷавонони ВКД бо донишҷӯён ва омӯзгорони ин боргоҳи илм вохӯрии судманд доир намуданд. 

Чорабинии мазкур бо мақсади пешгирии конуншиканӣ дар байни ҷавонон бахусус донишҷӯён, бо илму дониш фаро гирифтан ва иштироки фаъолонаи онҳо дар дарсҳо роҳандозӣ гардидааст.
Ректори Донишгоҳи техникии Тоҷикистон ба номи Муҳаммад Осимӣ Одиназода Ҳайдар Одина бо сухани ифтитоҳӣ ба чорабинӣ ҳусни оғоз бахшида, иброз дошт, ки дар даврони сулҳу субот ва ба даст овардани истиқлолияти кишвар, баҳри пешрафт ва тараққиёти тамоми соҳаҳо шароит фароҳам оварда шудааст. Ҳукумати мамлакат ҷиҳати илмомӯзӣ, аз бар намудани забонҳои хориҷӣ ва техникаи муосир баҳри насли ояндасози миллат ҳамаҷониба ғамхорӣ намуда, пайваста таваҷҷуҳи хосса зоҳир мекунад.
Вазифаи шумо ҷавонон танҳо мутолиа ва аз худ намудани барномаҳои таълимӣ мебошад.
Дар идомаи чорабинӣ сардори Хадамоти пешгирии ҳуқуқвайронкунӣ байни ноболиғон ва ҷавонони ВКД полковники милитсия Фаттозода Абдусаттор Абдуқаҳор суханронӣ намуда, иброз дошт, ки вазифаи мову шумо ин аст, ки дар якчоягӣ ҷиҳати пешгирӣ намудани қонуншиканӣ, шомилшавии ҷавонон ба ҳар гуна гурӯҳҳои ифротгаро ва даст задани онхо ба ҷинояту чинояткорӣ корҳои фаҳмондадиҳӣ гузаронида, пеши роҳи содиршавии амалҳои номатлубро бигирем.
Мавсуф сатҳи ҷинояткорӣ дар байни ҷавонон ва наврасонро шарҳ дода, қайд намуд, ки танҳо дар давоми 3 моҳи соли 2018 аз ҷониби донишҷӯён 25 далели содир гардидани ҷиноят ба қайд гирифта шудааст, ки ин хеле ташвишовар ва нигаронкунанда аст.

390

Сипас, аъзоёни гурӯҳи Авангарди донишгоҳи мазкур, донишҷӯёни фаъол ва роҳбарияти Донишгоҳи техникии Тоҷикистон ба номи Муҳаммад Осимӣ барои ҳамкории судманд бо мақомоти корҳои дохилӣ бо Ифтихорномаву Сипоснома аз номи Вазири корҳои дохилӣ генерал-полковники милитсия Раҳимзода Рамазон Ҳамро қадрдонӣ карда шуданд.
Дар анҷоми чорабинӣ барномаи фарҳангӣ аз ҷониби дастаи ҳунармандони донишгоҳи мазкур пешкаши тамошобинон гардонида шуд, ки аз тамошои он донишҷӯён ва дигар иштирочиёни чорабинӣ ғизои маънавӣ бардоштанд.
Гуфтан ба маврид аст, ки дар симои ҷавонон ҳамагон пеш аз ҳама насли умедбахшу ояндасоз, муборизу шуҷоъ ва бунёдкору ободгарро мебинанд. Аз ин лиҳоз чунин вохӯриву сӯҳбатҳои муфид бо донишҷӯёни муассисаҳои олии кишвар пайваста ба роҳ монда мешавад, то ҳисси хештаншиносиву ғурури миллӣ, ватандустиву инсонпарварӣ дар ниҳоди онҳо бедор гардад.
Шоҳиён Абдулло
Дилшод Холов




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика