Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Ифтитоҳи Маркази ҳамкории милитсия бо ҷомеа дар ноҳияи Шаҳритуз

387

Рӯзи 19-уми апрели соли равон, дар шаҳраки Шаҳритуз Маркази ҳамкории милитсия бо ҷомеа дар заминаи Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ дар назди ШВКД дар ноҳияи Шаҳритуз ифтитоҳ гардид.
Дар маросими кушодашавии бинои мазкур Ҳамоҳангсози миллӣ оид ба ислоҳоти милитсияи ВКД генерал-майори милитсия Шодмонзода Фарҳодбек, Раиси ноҳияи Шаҳритуз Оймаҳмадзода Рамазон Алихон, сардори ШВКД дар ноҳияи Шаҳритуз полковники милитсия Ҳамдамзода Валихон, намояндаи Созмони амният ва ҳамкорӣ дар Аврупо Дмитрий Капортсев иштирок намуданд.
Дар оғози кушодашавии бинои мазкур генерал-майори милитсия Шодмонзода Фарҳодбек баромад намуда, зикр кард, ки бо дастгирии Дафтари САҲА дар Тоҷикистон дар доираи Стратегия ва Барномаи ислоҳоти (рушди) милитсия барои солҳои 2013-2020 дар манотиқи гуногуни кишвар якчанд ҳуҷраҳои корӣ барои Шӯроҳои ҷамъиятӣ оид ба мусоидати ҷомеаи шаҳрвандӣ ба ислоҳоти милитсия дар назди Раёсатҳои Вазорати корҳои дохилии Ҷумҳурии Тоҷикистон таъсис дода шуданд ва сохтмони ин марказ боз як қадами нав дар татбиқи ислоҳоти милитсия мебошад.

 

388

Маркази мазкур пеш аз ҳама барои ба даст овардани обрӯю эътибори мусбии кормандони милитсия дар байни аҳолӣ мусоидат намуда, барои пешгирии ҳуқуқвайронкуниҳо дар ҷомеа тақвият мебахшад.
Мавриди қайд аст, ки Маркази ҳамкории милитсия бо ҷомеа бо тамоми шароитҳои наву замонавӣ таъмин мебошад.
Гул Маҳбуба




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика