Телефони боварии Вазири корҳои дохилии Ҷумҳурии Тоҷикистон (+992 37) 221-21-21... Хизмати Мадад бо рақами телефони 19-19-и Вазорати корҳои дохилии Ҷумҳурии Тоҷикистон

Саҳми гурӯҳи «Авангард» дар иҷрои вазифаҳои милитсия

119

Кормандони Хадамоти пешгирии ҳуқуқвайронкунӣ байни ноболиғон ва ҷавонони ШВКД дар ноҳияи Бобоҷон Ғафуров санаи 23-уми феврали соли равон, тахминан соатҳои 20:30-дақиқа, зимни гузаронидани амалиёти шабона духтарбачаи 17 солаеро, ки ба оворагардӣ машғул буд, боздошт намуда, ба Қабулгоҳ-таҳвилгоҳи ноболиғони Раёсати ВКД дар вилояти Суғд воқеъ дар шаҳри Хуҷанд, дастрас намуданд.
120Наврас дорои касалии руҳӣ буда, аз сабаби гум кардани хотира оиди шахсияти худ ва аҳли оила, ҷойи зист ва дигар маълумотҳо вобаста ба наздиконаш, ки метавонист корбарии кормандони милитсияро осон гардонад, пешниҳод карда натавонист. Чунин омил боис гардид, ки дастрасшуда то муайян намудани шахсият ва пайдо кардани наздиконаш дар Қабулгоҳ-таҳвилгоҳи ноболиғон давоми панҷ шабонарӯз нигоҳ дошта шавад.
Ҷалби ёварони милитсия, ҷавонони гурӯҳи «Авангард»-и назди Хадамоти пешгирии ҳуқуқвайронкунӣ байни наврасону ҷавонони Раёсати ВКД дар вилояти Суғд мусоидат намуд, ки шахсияти духтари наврас муайян ва сиҳату саломат ба оила баргардад. Бо интишори воқифнома ва паҳн намудани он тавассути шабакаҳои иҷтимоӣ ҷавонони гурӯҳи «Авангард» масъулини милитсияро ба ҳадаф расонид.
Маълум гардид, ки духтари ноболиғ Сайфурахон Суннатуллозода, сокини ҷамоати деҳоти Чоркӯҳи шаҳри Исфара буда, рӯзи 23 феврали соли равон, тахминан соатҳои 12:30-дақиқа, аз хона баромада бедарак шудааст.
Ҳакимов Суннатулло Содирович, падари Сайфурахон Суннатуллозода бо изҳори сипосу миннатдорӣ ба ҷавонони гурӯҳи «Авангард», ки суроғаашро аниқ намуда ӯро ба дидори фарзанд расониданд, духтарашро ба хона баргардонид.
Тавре номбурда ба мақомоти милитсия иттилоъ дод, духтараш давоми се моҳ инҷониб гирифтори бемории рӯҳӣ буда, хотираашро гум кардааст ва натанҳо амалу рафтор, балки наздиконашро дар ёд надошта, ҳамаро зуд фаромӯш мекунад.
Барои мусоидат дар пайдо кардани наздикони бедаракгумшуда, роҳбарияти Раёсати ВКД дар вилояти Суғд, ду нафар аъзоёни гурӯҳи «Авангард» Муҳибҷон Эрбоев, донишҷӯи факултети ҳуқуқшиносии Донишгоҳи давлатии ҳуқуқ, бизнес ва сиёсати Тоҷикистон ва Мирзосодиқ Сангинов, магистранти Донишгоҳи давлатии Хуҷанд ба номи академик Бобоҷон Ғафуровро дар вазъияти тантанавӣ қадршиносӣ хоҳад кард.
Ёдрас мешавем, ки дар минтақаи Суғд зиёда аз 600 нафар ҷавонони фаъол ихтиёран ба гурӯҳи «Авангард»-и назди ХПҲНҶ Раёсат аъзо гардида, ҳамчун ёварони милитсия дар баробари ҷалб гардидан дар ҳифзи тартиботи ҷамъиятӣ, вобаста ба дигар самтҳои фаъолияти мақомоти корҳои дохилӣ саҳм мегузоранд.

Акбар Шарифов
капитани милитсия




Муҳтарам аъзои Маҷлиси миллӣ ва вакилони Маҷлиси намояндагон! Ҳамватанони азиз! Соли 2023 барои Тоҷикистон, бо вуҷуди мураккабшавии бесобиқаи вазъи ҷаҳони муосир, инчунин, тағйирёбии иқлим ва оқибатҳои ногувори он – хушксоливу камобие, ки солҳои охир дар минтақа идома дорад, ба шарофати заҳмати аҳлонаву содиқонаи мардуми сарбаланди кишвар боз як соли бобарор гардид. Дар ҳамаи соҳаҳои ҳаёти ҷомеа пешравиҳои назаррас ба даст омада, маҷмӯи маҳсулоти дохилии кишвар нисбат ба соли гузашта 8,3 фоиз зиёд гардид ва ба беш аз 130 миллиард сомонӣ расонида шуд. Қисми даромади буҷети давлатӣ 102,5 фоиз таъмин гардида, давлат ва Ҳукумати мамлакат ҷиҳати иҷрои уҳдадориҳои иҷтимоии худ ва ҳалли масъалаҳои вобаста ба рушди соҳаҳои иқтисодиву иҷтимоии кишвар тадбирҳои мушаххасро роҳандозӣ намуд. Ба ин мақсад танҳо аз ҳисоби буҷети давлатӣ беш аз 40 миллиард ....>>>

Qonun25

© 2024 Сомонаи расмии Вазорати корҳои дохилии Ҷумҳурии Тоҷикистон.
Истифодаи маълумотҳои сомонаи расмии Вазорати корҳои дохилии Ҷумҳурии Тоҷикистон бо нишон додани суроғаи сомона http://vkd.tj иҷозат дода мешавад
Яндекс.Метрика