Шаҳрванд Неъматов Р.С., соли таваллудаш 1978 сокини деҳаи Ҳақиқати ноҳияи Фирдавсӣ дар содир намудани ҷинояти қаллобӣ гумонбар мебошад. 

Номбурда, моҳи ноябри соли 2025 ба боварии  шаҳрванд Сангов М.Н., соли таваллудаш  1992 истиқоматкунандаи ноҳияи Фирдавсӣ даромада, аз ӯ 110 ҳазор сомонӣ гирифта, ваъда додааст, ки дар назди бозори марказии ноҳияи Фархор ба ӯ замин барои сохтмони мағоза ҷудо карда медиҳад, вале гумонбар то ҳол ягон амалро иҷро накардааст.

Нисбати Неъматов Р.С., бо моддаи 247 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтишот идома дорад.