Қасдан расонидани зарари вазнин ба саломатӣ
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди 39-солаи сокини ноҳияи Рашт бо гумони қасдан расонидани зарари вазнин ба саломатӣ дастгир карда шуд.
Гумонбаршаванда 4-уми марти соли 2026, дар ҷамоати деҳоти Ҳойити ноҳияи мазкур бо марди 41-солаи сокини ҳамин ноҳия ҷангу ҷанҷол намуда, ӯро лату куб намудааст.
Дар натиҷа ҷабрдида зарари вазнин ба саломатиаш бардошта, дар беморхона бистари гардидааст.
Аз рӯи ҳодисаи мазкур тафтишот идома дорад.
















