Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавонони 19 ва 20-солаи сокинони шаҳри Душанбе бо гумони содир намудани ҷинояти авбошӣ дастгир карда шудаанд.
Гумонбаршавандагон 19-уми декабри соли 2025, тахминан соати 20:30-дақиқа, дар назди мағозаи хӯрокворӣ, воқеъ дар маҳаллаи Сабзикори ноҳияи Шоҳмансури шаҳри Душанбе аз ҳиссиёти авбошӣ бо ҷавонони 19 ва 18-солаи сокинони шаҳри Душанбе муноқиша намудаанд, сипас ҷавони 20-сола аз мағозаи мазкур як адад кордро гирифта ба қисмати тарафи чапи қафаси синаи ҷавони 19-сола зарба задааст.
Дар натиҷа ҷабрдида ҷароҳати вазнини ҷисмонӣ бардоштааст.
Оид ба ин ҳодиса тафтишот идома дорад.