Дастгир гардидани ду нафар барои қасдан вайрон кардани молу мулк
Ба ШВКД-2 дар ноҳияи Шоҳмансур бо ариза марди 59-солаи сокини ноҳияи мазкур муроҷиат намудааст, ки 5-уми июли соли 2025, тахминан соати 09:20-дақиқа, дар маҳаллаи Сабзикори шаҳри Душанбе марди 27 ва ҷавони 23-солаи сокинони пойтахт қасдан автомашинаи шахсиаш тамғаи “Хундай Старекс”-ро бо истифода аз сӯзишвории навъи “бензин” оташ задаанд.
Дар натиҷа, автомашинаи мазкур қисман сӯхта, ба ҷабрдида ба маблағи 48 ҳазор сомонӣ зарари моддӣ расонидаанд.
Оид ба ин ҳодиса тафтишот идома дорад.















