Ба ШВКД дар шаҳри Бохтар аризаи марди 37-солаи сокини ноҳияи Кӯшониён ворид гардидааст, ки 13-уми июни соли 2025, шахси номаълум бо роҳи пинҳонӣ аз дохили автомашинаи шахсиаш 1-адад телефони мобилии тамғаи “Самсунг С-22 ултра”-ро дуздида,  аз ҷойи ҳодиса ғайб задааст.
Зарари расонидашуда 8 ҳазор сомониро ташкил медиҳад.
Дар натиҷаи гузаронидани чорабиниҳои оперативӣ-ҷустуҷуӣ аз ҷониби кормандони милитсия муайян карда шуд, ки ҷинояти мазкурро ҷавони 23-солаи сокини ноҳияи Кӯшониён содир намудааст. 
Аз рӯи ҳодисаи мазкур тафтишот идома дорад.