Хидмат дар роҳи пешрафту шукуфоии Ватан комёбиест, ки мебояд ҳамвора дар ин роҳ ҳиммат гузошт, то самараи дилхоҳ ба даст оварад.

Вазорати корҳои дохилии Ҷумҳурии Тоҷикистон саҳми назарраси Мақомоти иҷроияи ҳокимияти давлатии шаҳри Турсунзодаро дар самти дастгирию расонидани кӯмак ба қисми ҳарбии 6592-и Раёсати қӯшунҳои дохилии Вазорати корҳои дохилӣ ва ташаббусу иқдоми нек дар ташкилу амалинамоии корҳои ободониву созандагии қисми ҳарбии мазкур шоистаи таҳсин ва қадрдонӣ ҳисобида, Вазири корҳои дохилӣ генерал-полковники милитсия Раҳимзода Рамазон Ҳамро миннатдории самимии худро ба Раиси шаҳри Турсунзода Саломзода С. изҳор менамояд.
Вазорати корҳои дохилӣ дар зери сиёсати Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати амалӣ намудани иқдому ташаббусҳои нек ба манфиати халқу Ватан ҳамкориҳоро бо Мақомоти иҷроияи ҳокимияти давлатии шаҳру ноҳияҳо вусъат мебахшад.