Номбурда ҳамчунин аз дастгириҳои ҳамаҷонибаи роҳбарияти Вазорати корҳои дохилӣ ҳарф зада изҳор дошт, ки соле ду-се маротиба шахсан Вазири корҳои дохилӣ зимни сафарҳои кориаш ба вилояти Суғд аз аҳвол ва зиндагонии собиқадорони милитсия пурсон шуда бо онҳо вохӯриҳо доир менамояд. Илова бар ин зикр намуд, ки бо ташаббус ва дастгириҳои роҳбарияти ВКД Дармонгоҳи тиббии РВКД дар вилояти Суғд бо тамоми шароитҳои муосири маишиву фароғатӣ мавриди истифода қарор дода шуд, ки имрӯзҳо собиқадорони мақомоти корҳои дохилии вилояти Суғд аз он ройгон истифода мебаранд.

Ин собиқадори милитсия афзуд, ки бар замми ин ҳама ғамхориҳо ҳамчунин шахсан Вазири корҳои дохилӣ Рамазон Раҳимзода пайваста собиқадорони милитсияро бо тӯҳфаҳои пуливу молӣ ва роҳхат ба осоишгоҳҳои овозадори кишвар монанди «Баҳористон»-у «Хоҷаобигарм» қадрдонӣ менамояд.