Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғони 16 ва 17-солаи сокинони шаҳри Душанбе бо гумони содир намудани ҷинояти дуздӣ дастгир карда шуданд. 
Гумонбаршавандагон 6-уми феврали соли 2025, тахминан соати 19:30-дақиқа, бо роҳи пинҳонӣ вориди хонаи истиқоматии марди 28-солаи сокини пойтахт шуда, аз онҷо якчанд адад ҷавоҳироти тиллоиро дуздида, аз ҷойи ҳодиса ғайб задаанд. Зарари расонидашуда 30 ҳазор сомониро ташкил медиҳад.
Оид ба ин ҳодиса тафтишот идома дорад.