Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия ҷавони 19-солаи сокини ноҳияи Рӯдакӣ бо гумони содир намудани ҷинояти одамкушӣ дастгир карда шуд. 
Гумонбаршаванда 1-уми январи соли 2025, тахминан соати 22:00 дар хонаи истиқоматиашон бо модарандараш зани 40-солаи сокини ҳамон ҷо ҷангу чанҷол намуда, бо корд якчанд маротиба ба узвҳои ҳаётан муҳим ва қафаси синаи ӯ задааст.
Дар натиҷа, ҷабрдида ҷароҳатҳои гуногуни вазнини ҷисмонӣ бардошта, дар ҷойи ҳодиса ба ҳалокат расидааст.
Аз рӯи ҳодисаи мазкур тафтишот идома дорад.