24-уми декабри соли 2024, тахминан соати 13 ба 14:00, ду марди 35-солаи сокинони шаҳри Кӯлоб, ки якеашон пеш бо моддаҳои 212 ва қисми 2 моддаи 244 Кодекси ҷиноятии Ҷумҳурии Тоҷикистон суд шудааст, дар ҳудуди шаҳри Кӯлоб аз ҳиссиёти авбошӣ тартиботи ҷамъиятиро дағалона вайрон намуда, бо ду марди 28-солаи сокинони шаҳри мазкур ҷангу ҷанҷол намуда, бо корди дар дасташон буда 1-маротиба ба тарафи чапи пушти сари як ҷабрдида ва 1-маротиба ба тарафи чапи гардани ҷабрдидаи дигар зарба зада ба онҳо ҷароҳатҳои гуногуни ҷисмонӣ расонида аз ҷойи ҳодиса ғайб задаанд. 
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия яке аз гумонбаршавандагон дастгир шуда, барои дастгир намудани гумонбаршавандаи дувум чорабиниҳои оперативӣ-ҷустуҷӯӣ аз ҷониби кормандони милитсия идома дорад. 
Аз рӯи ҳодисаи мазкур тафтишот давом дорад.