Раиси Созмони собиқадорон: Ҷурахонзода Саид Қаюм – генерал-майори мустаъфӣ, 2-юми апрели соли 1954 таваллуд шудааст, миллаташ тоҷик, маълумоташ олии ҳуқуқӣ. Хизмат дар мақомоти корҳои дохилӣ: аз 1 сентябри соли 1975 то 7 апрели соли 2015.
Дар давоми фаъолияти хизматӣ дар вазифаҳои гуногун кор кардааст: Нозири кофтукови ҷиноятии шӯъбачаи кофтукови ҷиноятии ШКД ноҳияи Фирдавсӣ (собиқ н.Марказӣ) шаҳри Душанбе, нозири минтақавии милитсияи гурӯҳи алоҳидаи профилактикӣ ва роҳбарикунандаи нозирони минтақавии ШКД ноҳияи Фирдавсӣ, навбатдори Қисми навбатдории ШКД ноҳияи Фирдавсӣ, муовини сардори шӯъбача, навбатдори оперативии Қисми навбатдории ШКД ноҳияи Фирдавсӣ, сардори шӯъбача оид ба роҳбарии нозирони минтақавии милитсия ва ташкили ҳифзи тартиботи ҷамъиятии ШКД ноҳияи Фирдавсӣ, муовини сардори ШКД ноҳияи Фирдавсӣ оид ба хизмат, муовини сардори ШКД ноҳияи Фирдавсӣ оид ба корҳои профилактикӣ, муовини сардори РКД шаҳри Душанбе, сардори ШКД ноҳияи Фирдавсӣ, сардори ШКД ноҳияи И.Сомонӣ (собиқ н.Октябр) шаҳри Душанбе, муовини аввали сардори РКД вилояти Суғд, сардори Раёсати кадрҳо ва кор бо ҳайати шахсии ВКД Ҷумҳурии Тоҷикистон, муовини Вазири корҳои дохилӣ, сардори РВКД дар шаҳри Душанбе.
Ҷурахонзода Саид Қаюм дар тӯли фаъолият барои хизмати содиқона ва бенуқсон бо мукофотҳои давлатӣ ва идоравии зиёд қадрдонӣ гардидааст, аз ҷумла санаи 2-юми феврали соли 2000 бо фармони Президенти Ҷумҳурии Тоҷикистон бо ордени «Спитамен» сарфароз гардонида шудааст.