30-юми октябри соли 2024, зимни роҳандозӣ намудани чорабиниҳои оперативӣ-ҷустуҷӯӣ аз ҷониби кормандони милитсия ва дигар ниҳодҳои дахлдор шаҳрванди Ҷумҳурии Тоҷикистон Давлатов Нусратулло Аловиддинович, соли таваллудаш 1994, сокини ноҳияи Ҷ.Балхӣ, дар ҳудуди шаҳри Алмаатои Ҷумҳурии Қазоқистон бо гумони содир намудани ҳаракатҳои бадахлоқона боздошт ва ба Ҷумҳурии Тоҷикистон истирдод карда шуд.
Гумонбаршаванда, моҳи июли соли 2024, ҳангоми дар шаҳри Алмаатои Ҷумҳурии Қазоқистон қарор доштанаш шаҳрванди Ҷумҳурии Тоҷикистон Шокиров Яҳё Суҳробович, соли таваллудаш 1998, сокини ноҳияи Ҷ.Балхиро латукӯб намуда, нисбаташ ҳаракатҳои бадахлоқона анҷом дода, ба навор гирифта онро дар шабакаҳои интернетӣ паҳн намудааст.
Нисбати гумонбаршаванда бо моддаи 334 Кодекси ҷиноятии Ҷумҳурии Тоҷикистон парвандаи ҷиноятӣ оғоз карда шуда, тафтишот идома дорад.