18-уми октябри соли 2024, тахминан соатҳои 20:00, ронандаи автомашинаи тамғаи “Опел-Астра”, Баротов Далер Ҳамидович, соли таваллудаш 1997, сокини ноҳияи Рӯдакӣ, ҳангоми ҳаракат аз самти шаҳри Бохтар ба самти шаҳри Душанбе, воқеъ дар ҳудуди шаҳри Бохтар аз уҳдаи идораи воситаи нақлиёт набаромада, пиёдагарди ноболиғ Сафаров Муҳаммад Салоҳиддинович, соли таваллудаш 2013, сокини шаҳри мазкурро пахш намудааст.
Дар натиҷа, пиёдагарди ноболиғ Сафаров М. дар ҷойи ҳодиса ба ҳалокат расидааст. 
19-уми октябри соли 2024, тахминан соати 09:40-дақиқа, ронандаи автомашинаи тамғаи “OpeI Vector», Каримов Аҳлиддин Садриддинович, соли таваллудаш 1995, сокини ноҳияи Файзобод, ҳангоми ҳаракат аз самти шаҳри Ваҳдат ба самти ноҳияи Файзобод, воқеъ дар ҳудуди ҷамоати деҳоти Баҳори ноҳияи мазкур аз уҳдаи идораи воситаи нақлиёт набаромада, ба самти муқобили роҳ баромада, ноболиғ Набиев Анзор, соли таваллудаш 2016, сокини ҳамин ноҳияро пахш намудааст. 
Дар натиҷа, ноболиғ Набиев А. ҳангоми ба беморхона бурдан дар роҳ ба ҳалокат расидааст.
20-уми октябри соли 2024, тахминан соати 14:40-дақиқа, ронандаи автомашинаи тамғаи “Мерседес-Бенс”, Ҳасанов Муҳаммадалӣ Алихонович, соли таваллудаш 2000, сокини шаҳри Бохтар, ҳангоми ҳаракат аз самти ноҳияи Қубодиён ба самти шаҳри Бохтар, воқеъ дар ҳудуди ноҳияи Дӯстӣ аз уҳдаи идораи воситаи нақлиёт набаромада, ба канори рости роҳ чаппа шудааст. 
Дар натиҷа, худи ронанда Ҳасанов М. дар ҷойи ҳодиса ба ҳалокат расида, мусофири автомашинаи мазкур Ашуров Ҳусайнӣ Маҳмадалиевич, соли таваллудаш 2000, сокини шаҳри Левакант ҷароҳатҳои гуногуни ҷисмонӣ бардошта, дар беморхона бистарӣ гардидааст.
Оид ба ин ҳодисаҳо таҳқиқот идома дорад.