20-уми сентябри соли 2024, тахминан соати 21:25-дақиқа, ронандаи автомашинаи тамғаи “Опел-Зефира”, Очилдиев Шаҳром Чориевич, соли таваллудаш 1997, сокини ноҳияи Шаҳритус, ҳангоми ҳаракат аз самти ҷамоати шаҳраки Шаҳритус ба самти ҷамоати деҳоти Ҷ.Назарови ноҳияи мазкур, дар ҳудуди ҷамоати деҳоти Ҷ.Назаров ба самти муқобил ба сабқат баромада, ба автомашинаи тамғаи “Опел-Астра”, таҳти идораи Наимов Қутбиддин Қадриддинович, соли таваллудаш 1987, сокини ҳамин ноҳия бархӯрдааст. 
Дар натиҷа, ронандаи автомашинаи тамғаи «Опел-Астра», Наимов Қ.Қ. ҷароҳатҳои вазнини ҷисмонӣ бардошта, ҳангоми ба бемохона интиқол додан дар роҳ ба ҳалокат расидааст. 
21-уми сентябри соли 2024, тахминан соати 07:40-дақиқа, ронандаи дучархаи тамғаи «Скутер», ноболиғ Бегматов Далерҷон Давлаталиевич, соли таваллудаш 2006, сокини шаҳри Бӯстон, ҳангоми ҳаракат дар роҳи мошингарди «Хуҷанд-Ғафуров», дар ҳудуди ҷамоати деҳоти Унҷии ноҳияи Б.Ғафуров аз уҳдаи идораи дучархааш набаромада, ба дарахти канори роҳ бархӯрдааст. 
Дар натиҷа, ронандаи дучарха Бегматов Д.Д. ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидааст.
21-уми сентябри соли 2024, тахминан соати 14:00, ронандаи автомашинаи тамғаи “Дэу-Некси”, Шарипов Маҳмадлоиқ  Шарипович, соли таваллудаш 1957, сокини ноҳияи Ҷ.Балхӣ, ҳангоми ҳаракат дар роҳи мошингарди ҷамоати деҳоти Маданияти ноҳияи мазкур аз уҳдаи идораи воситаи нақлиёт набаромада, аз роҳи асосӣ баромада ба канали обгузар афтидааст.
Дар натиҷа, ронандаи автомашинаи мазкур Шарипов М.Ш. ҷароҳатҳои гуногуни ҷисмонӣ бардошта, дар ҷойи ҳодиса ба ҳалокат расидааст.
21-уми сентябри соли 2024, тахминан соати 19:00, трактори бесарпӯш ва берақами қайди давлатӣ таҳти идораи Сафаров Сардор Соҳибович, соли таваллудаш 2006, сокини шаҳри Турсунзода, ҳангоми ҳаракат дар ҳудуди ҷамоати деҳоти А.Ҳасанови шаҳри мазкур бо 2-адад ядакаш дар нишебӣ аз уҳдаи идораи трактораш набаромада, чаппа шудааст.
Дар натиҷа, Сафаров С.С ҷароҳатҳои вазнини ҷисмонӣ бардошта, дар беморхона ба ҳалокат расидааст.
22-юми сентябри соли 2024, тахминан соати 16:00, ронандаи автомашинаи тамғаи “Опел-Астра”, Шарифзода Баҳруллои Насрулло, соли таваллудаш 2000, сокини ноҳияи А.Ҷомӣ, ҳангоми ҳаракат аз самти ноҳияи А.Ҷомӣ ба самти ноҳияи Хуросон дар ҳудуди ҷамоати деҳоти С.Айнии ноҳияи Хуросон аз уҳдаи идораи воситаи нақлиёт набаромада, пиёдагарди хурдсол Раҳимзода Маҳмадӣ Ҳалималӣ, соли таваллудаш 2020, сокини ноҳияи мазкурро пахш намудааст. 
Дар натиҷа, хурдсол Раҳимзода М. ҷароҳатҳои вазнини ҷисмонӣ бардошта, ҳангоми интиқол додан ба беморхона дар роҳ ба ҳалокат расидааст.
Оид ба ин ҳодисаҳо таҳқиқот идома дорад.