Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия зани 38-солаи сокини шаҳри Душанбе бо гумони ташкил ё нигаҳдошти фоҳишахона дастгир карда шуд. 
Гумонбаршаванда, хонаи истиқоматиашро ба фоҳишахона табдил дода, 14-уми сентябри соли 2024, барои алоқаи ҷинсӣ намудан ба ҷавони 24 ва ҷавонзани 19-солаи сокинони шаҳри Душанбе шароит фароҳам оварда, ҳаққи хизмат аз онҳо 500 сомонӣ бо тариқи корти бонкии “Душанбе Сити” гирифтааст. 
Инчунин, гумонбаршаванда бо ҳамин роҳ 15-уми сентябри соли 2024, барои алоқаи ҷинсӣ намудан ба ҷавони 22 ва зани 42-сола шароит фароҳам оварда, ҳамчун ҳаққи хизмат аз онҳо 300 сомонӣ  гирифтааст.
Ҳамин тариқ, гумонбаршаванда, бо ҳамин роҳ 15-уми сентябри соли 2024, барои алоқаи ҷинсӣ намудан ба марди 27 ва ҷавонзани 23-солаи сокинони шаҳри Душанбе ва ноҳияи Хуросон шароит фароҳам оварда, ҳамчун ҳаққи хизмат аз онҳо 500 сомонӣ  гирифтааст.
Оид ба ин ҳодисаҳо тафтишот идома дорад.