16 сентябри соли 2024 Вазири корҳои дохилӣ генерал-полковники милитсия Раҳимзода Рамазон Ҳамро аз корҳои ободонию созандагӣ ва таъмиру таҷдиди пурраи Баталиони хизмати дидбонию пайраҳадории милитсия дар Раёсати Вазорати корҳои дохилӣ дар шаҳри Душанбе боздид ба амал овард.
Вазири корҳои дохилӣ аз корҳои анҷомдодашуда баъди таъмири асосии Баталиони хизмати дидбонию пайраҳадории милитсия изҳори қаноатмандӣ намуда, ҳамчунин аз техникаю таҷҳизоти мавҷуда ва шароитҳои фароҳамгардида дар он аз наздик шиносоӣ пайдо кард. 
Зимни вохӯрӣ Вазири корҳои дохилӣ ҳайати шахсии  Баталиони  хизмати дидбонию пайраҳадории милитсияро ба хизмати содиқона ба халқу Ватан ҳидоят намуда, таъкид дошт, ки барои ҳифзи ҳуқуқу озодиҳои шаҳрвандон ва таъмини амнияту тартибот дар пойтахти кишвар доимо омода бошанд.
Гул Маҳбуба