27-уми августи соли 2024, тахминан соати 13:00, ронандаи автомашинаи тамғаи “Хундай-Портер”, Қурбонов Маҳмадзоир, соли таваллудаш 1991, сокини ноҳияи Рашт, ҳангоми ба қафо ҳаракат намудан дар роҳи деҳаи Қазноқи ноҳияи мазкур, хурдсол Маҷнунов Усмон Сорбонович, соли таваллудаш 2017, сокини ҳамин ноҳияро, ки аз қафои автомашинаи зикргардида дошта будааст, пахш менамояд.
Дар натиҷа, хурдсол Маҷнунов У.С. ҷароҳатҳои вазнини ҷисмонӣ бардошта, дар беморхона ба ҳалокат расидааст. 
27-уми августи соли 2024, тахминан соати 09:00, ронандаи автомашинаи тамғаи “Опел-Астра”, Шукрулои Давлат, соли таваллудаш 1999, сокини ноҳияи Данғара, ҳангоми ҳаракат аз самти ноҳияи Данғара ба самти шаҳри Бохтар, дар ҳудуди шаҳри Левакант аз уҳдаи идораи воситаи нақлиёт набаромада, ноболиғ Ятимов Раҳматулло, соли таваллудаш 2015, сокини шаҳри мазкурро бо қисмати қафои автомашина пахш намуда, ба симчӯб бархӯрдааст.
Дар натиҷа, мусофираш Назарова Мушкинисо Назаровна, соли таваллудаш 1959, сокини ноҳияи Данғара, дар ҷойи ҳодиса ба ҳалокат расидааст. 
Ноболиғ Ятимов Р. ҷароҳатҳои гунонуни ҷисмонӣ бардошта, дар беморхона бистарӣ гардидааст.
27-уми августи соли 2024, тахминан соати 14:40-дақиқа, ронандаи электроскутер Ҳамробоев Тошмат, соли таваллудаш 1964, сокини ноҳияи Спитамен, ҳангоми ҳаракат дар ҳолати мастӣ дар кӯчаи марказии ноҳияи Спитамен аз уҳдаи идораи скутери барқиаш набаромада, ба автомашинаи тамғаи «Мерседес-Бенс Спринтер», таҳти идораи Юсупов Дилмурод, соли таваллудаш 1985, сокини ноҳияи мазкур, ки дар роҳи худ ҳаракат мекард, бархӯрдааст.  
Дар натиҷа, Ҳамробоев Т. ҷароҳатҳои вазнини ҷисмонӣ бардошта, ҳангоми ба беморхона дастрас намудан дар роҳ ба ҳалокат расидааст.  
Оид ба ин ҳодисаҳо таҳқиқот илома дорад.