21-уми августи соли 2024, тахминан соати 22:40-дақиқа,  ронандаи автомашинаи тамғаи «Опел-Вектра», Сафаров Меҳроҷиддин, соли таваллудаш 1983, сокини шаҳри Душанбе, ҳангоми ҳаракат аз самти шаҳри Истаравшан ба самти шаҳри Хуҷанд дар шоҳроҳи «Душанбе-Хуҷанд-Чаноқ», воқеъ дар ҳудуди ноҳияи Ҷ.Расулов аз уҳдаи идораи воситаи нақлиёт набаромада, ба автомашинаи боркаши тамғаи «Хундай-Портер», таҳти идораи Оқилов Ҷаҳонгир, соли таваллудаш 1983, сокини ноҳияи Деваштич бархӯрдааст.  
Дар натиҷа мусофири автомашинаи боркаши «Хундай-Портер», Абдуллоев Дилшод, соли таваллудаш 1970, сокини ноҳияи Деваштич, ҷароҳатҳои гуногуни ҷисмонӣ бардошта дар ҷойи ҳодиса ба ҳалокат расидааст.
Ронандаи автомашинаи мазкур Оқилов Ҷ. ва мусофири дигари ҳамин автомашина Расулов Исматулло, соли таваллудаш 1993, сокини ноҳияи Деваштич, инчунин ронандаи автомашинаи тамғаи «Опел-Вектра», Сафаров М. ҷароҳатҳои гуногуни ҷисмонӣ бардошта, дар беморхона бистарӣ гардидаанд. 
Оид ба ин ҳодиса таҳқиқот идома дорад.