Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 32-солаи сокини ноҳияи Варзоб бо гумони содир намудани ҷинояти одамкушӣ дастгир карда шуд.

Гумонбаршаванда 4-уми июли соли 2024, тахминан соати 22:20-дақиқа, бо ҳамсояаш марди 27-солаи сокини ноҳияи мазкур аз рӯи хусумати пешакӣ байни ҳамдигар ҷангу ҷанҷол намуда, дар натиҷа гумонбаршаванда кордчаро аз ҷайбаш бароварда, як маротиба ба қафаси сина ва як маротибаи дигар ба банди дасти ҷабрдида задааст.
Дар натиҷа, ҷабрдида ҷароҳатҳои вазнини ҷисмонӣ бардошта, дар беморхона бистарӣ гардида, сипас ба ҳалокат расидааст.
Аз рӯи ин ҳодиса тафтишот идома дорад.